[ناصر خنيفر]

اضع بين يديكم هذه المساجله الذي دارت بيني وبين الشاعر ضاوي فالح المطيري,راجياً أن تحوز على رضا الجميع, حيث اقول في قصيدتي

سر ياقلم وكتب جوابي لضاوي= عشيري اللي عشرته مانمله
ابن الرجال مزبنين الجلاوي= اليا حصل له من زمانه شكله
وليا اختلط عج الرمك والعزاوي=عز الرفيق اليا حضرو فزعتله
في ساعتن فيها اشهب الذيب عاوي = وكلن يماري في فعوله لخله
من بعد هذا لابلتك البلاوي = اول شبابك واخر العمر كله
قلبي وعيني لجلجن بالتساوي = الكل منهن قام همه يتله
سبت وليفن عن وطنا نحاوي= حل الفراق وديرته ما ندله
عقب على قلبي جديد المكاوي = احيا وموت ولا محت كويتله
اقفوبها اللي يبعدون الهقاوي= بدون جذبهم للحيا بارقله
بارض ٍ مسالكها حزوم وملاوى= ماهي ربيع ولا دهر مرتعله
عليه من نو الوسامي مهاوي = توه خضاره ماعصت عشبتله
وعندك خبر بالباديه مانت غاوي= مايكملون اسبوع في منزلله
ومن كثر شدتهم يضيع القطاوي= يفتر راسه ماوصل حروتله
وانا على خلي شفوق وشفاوي = لكن ويش الحل في وصلتله
وسط البشر كني وحيدن خلاوي = معزول وحدي كلها سبتله
نكفا ياضاوي كان للاجر ناوي= انكان تبغا الاجر دقه وجله
افزع لناصر ماتفيد الدعاوي= لايموت ناصر من سبب عشقتله
رفعت شكوايه لحرن نداوي = وبيا طريق ايوجهن سامعله
ياشاعر اللي مثل عدن رهاوي =عدن وروده ماهزعت جمتله
شاعر وديب ومن ورى الشعر راوي = وهبه من الله كلهن جمعله
وعجل مردك دام لصبر قاوي = لايرتفع ضغطي عن معدلله
حفظك من يرجع لوادن سناوي = ربن عباده ترجي رحمتله

ناصر خنيفر

اما مرد ضاوي فالح المطيري يقول

هات القلم واكتب كلامن نقاوي= اكتب وعبر هاجسي مصغيله
يم الرفيق اللي على الطيب حاوي= الطيب ساسه والمعزه محله
ناصر على كسب المعالي قصاوي = حرن شهر والطيبه سمعتله
سيفن مجرب مثل سيف العطاوي= عقد المشاكل لو تصعب يحله
من لابتن ياجا صياح ونخاوي = ياسعد منهم بالقا عزوتله
بني رشيد اهل النهار القساوي= الجد عبس وساسهم مرجعله
ابشر بفزعه صامله مانراوي= انا رفيقي ياومر حاضرله
اطلب يابو تركي لونك غناوي = الغالي اللي تطلبه مرخصله
بالمال ولا الفعل ومرن سماوي= ولا نروح بجاهنا وجهتله
عندي خبر فعل الهوى بالهواوي= ماحد يرد المهتوي عن هوله
يضيع طبه والطبيب المداوي = همه وغرباله على الكبد عله
هذا وانا بالحب قلبي شقاوي= اسباب من ضاعت حياتي رضله
الصاحب اللي بالمحبه صفاوي = لاعل وبل الغيث داره يعله
يرتاح بالي ياوصلت الحراوي= في ديرتن ترف القدم مدهلله
ادنا منازلهم يمين الصداوي= وقصا منازلهم نفودن مطله
بدون رعت عشب الحيا بالمطاوي= يرعون في وضحن عليها الاهله
لو اتمنا متفيد المناوي = راع المناوى مطلبه ماحصله
لوطال ياسي يابو تركي رجاوي= ارجيه رجوى اللي ترجا نمله
القلب مني مابقاله عراوي = لولا ضلوعي تردعه راح كله
واليوم انا اطوع من ذلول الحاوي = مثل الذي يجفل ليا شاف ضله
عند الاهل كني غريبن فداوي = غريب دار ولالقا حاجتله
ليته ولدعمن قريبن دناوي = اوليت ربي ماقسم عرفتله

ضاوي فالح المطيري

الموضوع الأصلي: اضع بين يديكم هذه المساجله الذي دارت بيني وبين الشاعر ضاوي فالح المطيري | | الكاتب: ناصر خنيفر | | المصدر: شبكة بني عبس

[فيصل الرشيدي]

ناصر على كسب المعالي قصاوي=حرن شهـر والطيبـه سمعتلـه

كفو يالعمدة

وصح لسانك وبيض الله وجهك

وصح لسان الشاعر ضاوي فالح المطيري

وتسلم يمينك على النقل رائع

ولا تحرمنا جديدك ....

[عبدالعزيز الخياري]

صح لسانك يالعمده رائع في المحاوره وفي النظم

سجل اعجابي

[مسندالعويمري]

العمده الشاعر الكبير ناصر خنيفر

صح لسانك وبيض الله وجهك

وصح لسان الشاعر ضاوي فالح المطيري

سجل اعجابي

ياعمدتنا وخليفت مستشار الشعرافي الكويت الشاعر مرشد الرشيدي وحباب السندي

[ناصر خنيفر]

فيصل الرشيدي مشكور على المرور والكلام الطيب

[الجحش]

مساجله جميله بين شاعرين رائعين

طلع طلع يالعمده من القصيد اللي بشنطه الله لايهينك

[معيوف ابن زهيميل]

اقتباس من مشاركة الجحش مساجله جميله بين شاعرين رائعين طلع طلع يالعمده من القصيد اللي بشنطه الله لايهينك

رائعة جداً المساجلة
طلع طلع يالعمده من القصيد اللي بشنطه الله لايهينك

[ناصر خنيفر]

بن شاعرنا المحبوب عبد العزيز الخياي اشكرك على المرور والكلام الطيب