[معالي الوزير]

السلام عليكم ورحمة الله وبركاته

بعد الثراء الذي حققته لم يتبقى الا أن تكون محبوبا من الناس <<< حاول تمشيها

فيه خيارين كلاهم صعب لكي يحبك الجميع

اولا : أن يحبك الله سبحانه وتعالى

ثانيا : ان تطور نفسك بنفسك من خلال تجربه حيه وتطوير مستمر !!

اتوقع مافيه اكثر من كذا وحبيت افصل لكم بعض الكلمات

اولا : أن يحبك الله سبحانه وتعالى ؟؟؟
* فيه ناس مكبره الموضوع انه لازم يكون ملتزم والدقن الى الصدر والثوب إلى الركبه والخ
لكن انا اقول اكيد لها دور بس فيه اشياء قويه جداً وموثرة بقوة
1- تحافظ على الصلاة في وقتها في المسجد
2- اقرأ الاذكار الصباحيه - تاخذ منك اقل من 3 دقائق يعني تطلع من المسجد قبل تصل البيت وأنت مخلص واذا ماخلصت خذ لفه على الحارة خله قانون عندك
3- وأنت رايح مشوار او مداوم الصباح وش قاعد تسوي يا أما انك تسمع راديو او مشغل المسجل او ساج لك في ديرة ماهي قريب ليش ماتخلي مشوارك في متعه يعني وانت لوحدك بالسيارة حط لك برنامج بسيط
مثلا تقول لا أله الا الله وحدة لاشريك له له الملك وله الحمد وهو على كل شي قدير
وبعده تصلي عى النبي صلى الله عليه وسلم
وبعده تستغفر ( استغفر الله العظيم وأتوب آليه )
وبعده تقول ( لا آله الا الله الملك الحق المبين )
3- خذ لك يوم في الاسبوع تقرأ سورة البقرة كامله من بعد الساعه 12.00 في الليل تصلي ركعتين وكل ركعه تقرى فيها الاولى 40 صفحه والثانيه 9 صفحات صعبه بس طبقها اول مرة والثانيه تمر بسرعه
4- ابتعد عن الكبائر

----

ثانيا : ان تطور نفسك بنفسك من خلال تجربه حيه وتطوير مستمر !!
* أناابي اختصر لك الموضوع ادري فيه ناس مخه يبي له فرمته
اذا كنت موظف دور لك شخص كل الناس تحبه وتغليه وراقبه عن كثب شف وش يعمل اعمل مثله خلك نسخه
واذا انتي ربة منزل شوفي من صديقاتك

بعض القوانين التي استنتجتها

- مثلا اذا دخلت في نقاش مع احد وشفته عنيد الا يقنعك برايه حاول تمشيها
- اذا شفت انسان غثيث تعامل معه كأنك تبي من حاجه او مصلحه
- اذا ناداك الواحد وقال لك فلان مو على طول تقول نعم خله من ثالث مرة او رابع مرة على حسب الشخص وسو نفسك مشغول بشي او تفكر
- اذاجلست انت وشخص لحالكم خله هو يبدأ بالسواليف عشان ينزل مستواه وانت خلك مستمع واذا شفته استرسل صد عنه كنه ماعجبتك سالفته
- حاول انك تشجع الهلال السعودي او ريال مدريد لو انك مالك بالكورة
- اذا كان القائك في السواليف سيئ فحاول انك تكون مستمع جيد
- حاول انك تسولف بكرة القدم او تنتقد النصر السعودي او الاتحاد اذا كنت في الرياض واذا انت في جدة انتقد الهلال وشجع الاتي
- حاول اذاانهزم فريقك تسوي نفسك قافله معك عشان تسجل حضور
- لاتسولف عن نفسك كثير انك فعلت وفعلت وانك عنتر زمانك
- بعض الناس اذا الناس ماعملو اللي يبي يزعل ويعصب ويسوي نفسه قافله معه
- لا تسولف كثير الا اذا كنت ملسون وهذي هبه من الله سبحانه ولا تحاول تستضعف نفسك عشان تضحك الآخرين
- خلك تقيل لاتضحك على اتفه سبب
- دور لك واحد وطقطق عليه عشان تتعلم من الشخص اللي تراقب تصرفاته يعني تعلم من الزميل المحبوب ورح طقطق على واحد ثاني عشان تتقن الدور وتجيك ثقه بالنفس
- اذا حبيت تقول سالفه حاول انك تخلي مستوى الصوت متساوي وكنك تسولف على اصغر اخوانك وخلك واثق بنفسك
- حاول انك ماتكون اناني حتى بالكلام
- ماهو كل ماطرا في بالك سالفه قلتها على طول وقطعت سالفه احد
- ترى مو كل سالفه تسمعها وتعجبك تعتقد انها راح تعجب الناس
- بعض الناس يبي يعبر لك عن اعجابه فيك تلقاه يسوي حركات لك وانت تحسب انها مستهين فيك او مقلل في شأنك
- حاول انك ماتفرض رأيك على الاخرين او تقنعهم بوجهة نظرك

------------------------------------------------------------------------------------------

مرة دخلت المكتب ولقيت شخص محبوب ولما جلست عنده التفت يمي وقال ( لآ حول وش يبي ذا ) انا رديت عليه

بعد مدة كنت جالس وجاء وجلس جنبي الشخص المحبوب وطبقت نفس اللي قال لي قلت ( لآ حول وش يبي ذا ) شفت ردة فعله سكت وناظر فيني حسيت اني جريته حسيت ان افضل منه حسيت انه يبي قربي ونظر لي بنظرة همة

فيه ناس لازم تتغدا فيه قبل مايتعشى فيك
يعني اذا شفت واحد متسلط وشفت ان الدور جايك جايك حاول انك تمسك عليه شي وتهزئه وتكون انت البادئ او عطه وحدة متعوب عليها
ترى دائما البادئ يكون هو القوي والمدافع هو الضعيف

الاسلوب يبي له تعب في البدايه وبعدين راح تتطور تلقائيا وتحس ان هذي طبيعتك

فيه اشياء كثيرة ماقلتها لكن اتوقع لو تبحث عنها بنفسك راح يكون افضل

عزيزي القارئ ان ماكتب اعلاه اذا اعجبك واستفدت منه فهذا جيد ولله الحمد

واذا فيها مناقيد اعتبر نفسك ما قريت الموضوع

اخوكم
معالي الوزير

الموضوع الأصلي: كيف اكون محبوبا من الجميع | | الكاتب: معالي الوزير | | المصدر: شبكة بني عبس

[عايد2001]

موضوع اكثر من رائع
لا هنت معالى الوزير

[مساعد الشويلع]

موضوع رائع ويجب الاستفاده منه لاهنت على النقل الرائع

[أبو سليّم]

موضوع جيد في قمة الروعه

شكراً على النصايح مالك الى الاجر

[احساس الشمال]

يسلموعالنقل المميز

[معالي الوزير]

عايد2001 حياك الله

وشرفني مرورك

[بدوي متطور]

تسلم ,, على الطرح الراقي,,,,

[لسعهـ شقآوة]

موضوع راااااااائع
سلمت يدااااااك