[فضي البراك]

عسى ديرة ولد حازم يباشرها بكور السيل=شهر لين الشعيب اللي وراها تزهر أشناقه

(سحابٍ) صوت وبله كنه التسبيح والتهليل=(تخيله كل عين ويشرب الظميان برّاقه)

لعل (مدللٍ) يستاهل التقدير والتدليل=(يطاولنا الرضى لو ضاق راع الشاه والناقه)

لعل (الجوهره) بنت المكارم والصخى والهيل=يفلّ حجاجها عذر القصيد وشرهة أوراقه

قصيدٍ ما تجمل في هدبها والعيون بخيل=وبيتٍ ما وصفها لو بنيته بهدم رواقه

يحسد (الجوهره) سرجوفها الضامر بنات وخيل=ولو قالوا يا نحل خصورهن والخيل سبّاقه

هذا غير الجبين اللي رقت شمسه سواد الليل=جديلٍ تكرمه نور البنات لحزة إطلاقه

ورمشٍ فاترٍ لا سلهمت به كن ماله حيل=كسى عينٍ تشادي عين حرٍ تلّ مسباقه

سماها طيب أهلها نجمةٍ بين الجدي وسهيل=يلوق الها الفخر وجدودها حمّاية الساقه

جدودٍ يتبعون ويفزعون ويذبحون الحيل=قبل وقت الرخا يوم الفقر والجوع والفاقه

جدودٍ من قربهم ما يجي ذخره ردي وحليل=مادام الحر يشهر دايم الغربان نعّاقه

على ترف الورق يالمترفه ذوقي لذيذ القيل=وأنا اللي لا ظميتي تبشرين مزمزم أعماقه

حرثت القاع وأسقيت النوى والحب عذب السيل=هذا اللي في يديني والرجى في جود فلاقه

[فضي البراك]

أخواني أكتب لكم هذه الكلمات من بعد النداء الأول على الرحلة المتجهه لهونغ كونغ ..

ياقلب وش فيك ماتعزم على التوبة=مادام من حب وأوفى للهوى كافر
خل الهوى العف أول وآخر ذنوبه=وأرحل وهآآآآآجر ترى يرتاح من هاجر
ياقلب عمري وعمرك للأسف نوبه=لاتصرف اللي وقف بالموقف الخاسر

[فضي البراك]

الجادل اللي داخلي وضعها غير=الموت شفته يوم قفا ضهرها

(ازعلتها) في كلمتن دون تفكير=وراحت تشيل عتابها من قهرها

واخذت ادور للخطايا معاذير=كن الخطا عذراء وعذري مهرها

العش لامن هاجره مرقد الطير=تفقده اغصانن خلت وازدهرها

ماني معارض ماكتبته المقادير=لو ان قلبي حبها واشتهرها

يموت درب ولا تموت المشاوير=مثل الليالي موتها في شهرها

والليله اللي (عذربتني بتقصير)=انشهد ان الطيب نوره جهرها

من (صغر سني ماحسبت المخاسير)=ارقا وعذالي تموت بقهرها

[فضي البراك]

[youtube]

[فضي البراك]

لي مدّة ألمّحّ لك بشعري ولا فـاد=واليوم إخـذّها كـاش ولا تحـاتي..!
يا معتبرني (صاحبك) إحذف الصاد=وتعرف أنا وش معتبرك بـحياتي..!!!

[فضي البراك]

من شآن حبك بااقرب الناس ضحيت=أرخصت حب اللي ليا جيت هلا
هذآآآآآك يعرف قيمتي كيق لا جيت=الله يسامحني تركته وولا
ياليت يرجع شمعة البيت للبيت=يدخل بقلب عقب بعده تجلا
أما أنت ياللي كنت غالي وتغليت=ماقلت لك اللي يتغلا يتخلا!

[فضي البراك]

أظهَر لي الواقع ،، ومر الحقايق=كلش يقول فراق وفراق وافراق

[فضي البراك]

هنا ،، مات حب ،، ويبس قلب ،، وتمات عين=من الملح وأندفنت حكاية فرح وآمال
وجيتي تبين نرجع اللي مضى هالحين=أنا من ثلاث سنين بطلت لعب عيآآآل