[صياف]

صح السانك يالكبتن وبيض الله وجهك يشهد الله ان للعب معك متعه . تلعب مرتاح البال بتركيز عااالي بيض الله وجهك

كما اشكر الطرف الا خر الذي شاركونا بالابداع .بتواجدهم ومشاركاتهم الحماسية وتشجيعهم

(( مخلدبن عطالله, البيطار, , ابو صووط, سلمان, شلاش, عنتر زمانه, كــــاتــــب ))

[الكابتن]

اقتباس من مشاركة صياف اللغز حير ساكن الكون ليه الحل مايذاع = والسر في بطن البحر والبحر صعبا وصاله القايد الي يقبل الشور صار يكيل بالصاع = والناس بالميزان كل يدور راس ماله

المشكله مع جرة السبع قطف اوراق نعناع=واسبابه إن السبع ورد الغدير اللي بجاله

إن ما اتسع صدرك فجوج البلاد اطوال ووساع=حنا بعصر العولمه والفضاء زين اتصاله

[صياف]

اقتباس من مشاركة الكابتن المشكله مع جرة السبع قطف اوراق نعناع=واسبابه إن السبع ورد الغدير اللي بجاله إن ما اتسع صدرك فجوج البلاد اطوال ووساع=حنا بعصر العولمه والفضاء زين اتصاله

ياسلام عليك صح السانك واعتلا شانك وتصبح على خير

[الكابتن]

اقتباس من مشاركة صياف صح السانك يالكبتن وبيض الله وجهك يشهد الله ان للعب معك متعه . تلعب مرتاح البال بتركيز عااالي بيض الله وجهك كما اشكر الطرف الا خر الذي شاركونا بالابداع .بتواجدهم ومشاركاتهم الحماسية وتشجيعهم (( مخلدبن عطالله, البيطار, , ابو صووط, سلمان, شلاش, عنتر زمانه, كــــاتــــب ))

صح بدنك وماعليك زود شاعر جزل وشهاده من الجميع بشعرك والشكر والتقدير لكل من تواجد معنا وتصبحون على خير

[ابو صووط]

اشكر اخواني الشعار الشاعر صياف والشاعر الكا بتن على هذا الطاروق الراقي الغير مستغرب

من هاذين الشاعرين

واشكر الجميع على هذا الحضور والمداخلات الطيبه من الجميع لاهنتم

كما ارحب بالخ العزيز علينا جميعا عنتر زمانه مليون مرحبا

ولكم مني التحيه الطيبه والاحترام مع الختم والتميز

ادامكم الله

[ابو موسى]

السلام عليكم ما شاء الله من اروع المحاورات التي شا هدتها في المنتدى صياف الكابتن اتمنى ان تصل رسالتكم

ويعلم الله اني احظر لكم مفاجاه ولكن ليس باسماكم المستعاره ههههههه

لاني من سعداء الحظ بمعرفتكم شخصيا ومعكم خاتم سليمان واتمنى ان تساعدني الظروف لتحقبق ذلك

والطاروق هذا يحمل من الجوده والشعر ما يكفي عن مشاهدة بعض محاورات الميدان ويعلم الله ان في منتدانا شعراء يتفوقون على بعض

من هم في الميدان والاسماء كثيره وليعذرني من لم اذكر اسمه فالاسماء المبدعه كثيره


وانت يا عنتر زمانه حسابك عندي عسير هههههه يا رجال حنا قمنا نتحلم فيك ودنا بمعرفة الطيبين امثالك

واشكر الاداره جميعا والمشرفين العم ناصر خنيفر قايد السفينه وكاتب المكسب الحقيقي للمنتدى

والمشرفين الجدد اخوي شلاش وخالي ابوصوط والاخ العقاد والاخ عبد الباري

اخوكم المحب سعود الهطلاني

[ابو صووط]

ارحب يابو موسى تواجدك ومرورك شرف

ورسالتك رساله يحتذى بها لاعدمناك ودربالك على خالك من الحناشل هههههههههه

تراه على نياته ولدي ياولدي

[الـنـاقـد]

الكابتن

اذا قدرت اتكلم القايد اشرح كل الاوضاع=مدري واخاف الله لو عنتر احدى عياله

صياف

القايد اللي يقبل الشور صار يكيل بالصاع=والناس بالميزان كل يدور راس ماله