[فضي البراك]

سلامتك .. والله يحفظك وبيقيك=ويقبل دعاتك في صلاتك وصومك
ليت التعب فيني حبيبي ولا فيك=وياليت يومي ينتهي قبل يومك
حببتني في كل حاجة حواليك=مانيب من قومك وأحامي لقومك

[فضي البراك]

دع الوشاة ماقالو وما نقلو=بيني وبينكم ماليس ينفصلُ
وآرحمتآه لصب قل ناصره=فيكم وضاق عليه السهل والجبلُ

[فضي البراك]

الناس ماهمها ضروفك=(كود) الذي يحزن لغمك
وأن شلت حملك على كتوفك=بتموت محدٍ درى عنك

[فضي البراك]

ليت هالعين ضاقت بالحدق=قبل جدرانها بوجهك تضيق
والله أني صحيت من الأرق=راحل لا مكان ولا طريق
ماسمعت (الغراب) اللي نعق=وين (مثلي) .. على (صوته) يفيق
(قالت) الحاقد بدمك شرق=قلت ماأظنه لمدحي يطيق
(أتركيني) على باقي عبق=غيمة العطر من عمري العتيق

[فضي البراك]

يازين للعاشقين ذنوب=كثير واللي يحب يغفر
بالحيل طول الزعل عذروب=الى متى الكسر مايجبر
با أخطي .. وأعيد الخطا .. وآتوب=والصاحب اللي علي يصبر
وأن مادمح زلتك (محبوب)=ما أطن من يكرهك يعذر

[فضي البراك]

أما .. معي .. نطرد الهوجاس=وإلا لك .. النوم وحلومه
لأجل الهوى عذبونا الناس=ومن بيح السد ما ألومه

[فضي البراك]

يرضيك يصبح شملنا للشتاتي=يرضيك تفرح كل نفس مغله!
يرضيك لا فرحو بهمي عداتي=وأقفو يقولون الغضي عاف خله؟

[فضي البراك]

الحزن في صوتك ازعج ساكني=لين صار الكون من حولي حزين
غصب عني حزن صوتك هاجني=لين خلَّى عاصي المعنى يلين
وامتثل حرف القصيد وعادني=وانسكب حزنك على شِعري حنين
شِلت أنا صوتك وحزنك شالني=أكْتم الصرخه وينسـاب الأنين
شِفت حزنك كيف حزنك شافني=كيف داهم خلوتي فـي لحظتين
طير أنا مثلك زماني ضامني=جرّحتني مثلك سيوف السنين
صابك اللى من زمانٍ صابني=في معاليق الحشا جرحه دفين
الفـرح عقب الصداقه هابني=خافت البسمه على وجهي تبين
طير يا اللّي صوت حْزنك هاضني=الله اللي ينتصر للصابرين