[مسندالعويمري]

السلام عليكم ورحمة الله وبركاته
للجميع تحيه وشعر

عندما يتكلم الشعر

وتحترق الجمل

وتمتزج المعاني بالعبارات؟؟

عندها فقط.. يصبح الشعر..
هو لغة العصر..

علاجك ياهمي كل ماجيت راس الحيد = اهوبل على نفسي واجر الهجينيه
لو الجرح ينزف من شرايين دم يزيد = ابا اخفيك ياهمي ولا عرف وش فيه
اعيد بوقت العيد في ملبس(ن) جديد = ولاسجد الغير الله بحسنه ولا سيه
على نهج واضح لا مجادل ولا ترديد = وحسم القرار بكلمتين(ن) نهائيه
ولو سادت السادات سيد وساد وسيد = على اثارهم نقرا راويه اسطوريه
نهايه هرم شامخ وليل(ن) وفك القيد = وبدايه حبر والوان وحروف شعريه
ومعالم على سطح الطبيعة بلا تحديد = وخيال(ن)من التفكير وخطوط وهميه
ولايستمر تمجيد من مابهم تمجيد = نوايا غدر يجهل بهـا طيب النيه
قنوص الزمان الي لقي في جعبهم صيد = استباحو الديار الصيد لوكـان محميـه
لو الصيد راضي عيشته بين حد و حيد = لو اكبر اهمومه لقطه الحب و الميه
ويبقى حضيض ان مد في عمره المديد = لو اجمل حياته بالديار الخلاويه
تشيد القطون وبعد ماض الزمان تعيد = وتبقى معالم كنها اليوم مبنيه
ولو جمعت الفضه مع اللول و الحديد = نهايه نتيجـه تحـت صفريـن بالميه
حياة السعاده ماتساوم بكم اتزيد = وحياة المجازف من شموخ (ن) لمهويه
لكن بيع جمله خير من بيعـة التفريـد = الياصارت البيعه على العز مبنيه

مــــسـند العويمـــري

[سعد الرشيدي]

ابو خالد صح اللسان وبيض الله وجهك

على هالشامخة والرائعه وان اشهد انها معبره ...

[كاتب الرشيدي]

اعيد بوقت العيد في ملبـس(ن) جديـد
........................ولاسجد الغير الله بحسنـه ولا سيـه

على نهج واضح لا مجادل ولا ترديـد
........................وحسم القـرار بكلمتيـن(ن) نهائيـه

صح اللسانك يابو خالد

تنتعنا دائماً



لاهنت

[ابوديما]

مسند العويمري

صح لسانك قصيده في قمة الجمال


لاهنت على الابداع

[مسندالعويمري]

اقتباس من مشاركة برق الوسم ابو خالد صح لسااانك .. واعتلا شانك قصيده رائعه من اجمل ماقراءت.. والابداع ليس غريب عليك .. لله درك تقبل خالص الود والتقدير ..

برق الوسم

صح بدنك ويشرفني حضورك واعجابك

لاهنت وبيض الله وجهك

[عايض بن صالح]

مفردات جميله لايجيدها الا شاعر متمكن

صح السانك يامسند العويمري