[عبيد الله دعيع]

أحبتي في الله أضع بين يديكم هذه المتواضعه..وهي بمحبوبةٍ ليست من بشر وليست من آدم وحواء
وتسكن هذه المحبوبة بالأعماق وبالأرواح وبالقلوب بل أنها تستحق العمر كلَّه والمال والولد فداءن لها
أنها مملكتنا الحبيبه(السعودية) مهبط الوحي والرسالة النبوية ومنبع الدين الحنيف والنور والسراج المنير..ومنبع البطولة..والرجولة نعم أحبتي في الله هي معشوقتي ومعشوقتكم .هي موطن الكل سعوديين وخليجيين وعرب ومسلمين هي قبلت المسلمين كافة أحبتي لأطيل عليكم ..بمناسبة اليوم الوطني للمملكةالعربية السعودية.... إليكم
أشعةالشمس المضيئة بدرر من الألماس والأحجار الكريمة أرجو أن تحوز على رضاكم وإستحسانكم تحياتي..

محبوبتي. ماهي . من آدم:وحواء

قالو: تحب وقلت : محبوبتي غير=محبوبتي.ماهي من آدم. وحوَّا

يامفسرين اللغز مايريد تفسير=محبوبتي بالقلب بالروح جوَّا

هي مملكتنا موطن الدين والخير=الله رفعها بالكرامه اعلوَّا

طيبه.. ومكه.. في بلاد المشاهير=النور منها والجمال يتروَّا

للعلم نور. وزادت العلم تنوير=منها بدا الدين الحنيف يتقوَّا

يحبها الأنسان: ويحبها الطير=ويحبّها الرَّعاد مع كل نوَّا

ما مثلها بالكون ورد ونواوير=اترابها عنبر. ومسكٍ مسوَّا

من راد . آهانتها ترى راسه يطير=بالسيف وإلاَّ بالمشوَّك يكوَّا

ما نحسب احساب القرود الخنازير=الداب لمن مات قام يتلوَّا

من دونها ملوكٍ تسوق الطّوابير=الكل منهم حر ماهوب بوَّا

عصم الشوارب والرجال المناعير=اهل الكرم.والطيب.واهل المروَّا

الله يحماهم. من الشر.ويجير=ويصونها. من كل مكرٍ وسوَّا

قلته واعيد اقول محبوبتي غير=محبوبتي ماهي من آدم. وحوَّا

اخوكم المخلص/عبيد الله ابن دعيع ابن عمير الرشيدي(الخيَّال)

الموضوع الأصلي: محبوبتي. ماهي . من آدم:وحواء | | الكاتب: عبيد الله دعيع | | المصدر: شبكة بني عبس

[برق الوسم]

شاعرنا/ عبيدالله دعيع الرشيدي
قصيده رائعه والوطن يستااهل
دام عز المملكه وحفظ الله ابو متعب
صح لسانك بلاااايين
تقبل مروري

[الشاطئ المهجور]

بيض الله وجهك الاخ عبيدالله على القصيده الجزله والوطن يستاهل وله الحق علينا

[عبيد الله دعيع]

اقتباس من مشاركة برق الوسم شاعرنا/ عبيدالله دعيع الرشيدي قصيده رائعه والوطن يستااهل دام عز المملكه وحفظ الله ابو متعب صح لسانك بلاااايين تقبل مروري

هلا وغلا بمشرف منتدى الشعر الشعبي الأستاذ الفاضل/برق الوسم صح بدنك يالغالي نعم الوطن يستاهل وملوكنا حفظهم الله يستاهلون والشعب السعودي الكريم يستاهل ولا قلنا شيء إلاَّ الواجب علينا أتجاه الوطن الغالي على الجميع..
مشكور على المرور الرائع روعة تواجدك وحضورك المشرق لك مني خالص التحايا والأحترام الخيَّال

[عبيد الله دعيع]

اقتباس من مشاركة عياضه عبدالله بيض الله وجهك الاخ عبيدالله على القصيده الجزله والوطن يستاهل وله الحق علينا

هلا وغلا بالشاعر الرائع/عياضه بن عبدالله العويمري..وجهك ابيض يالغالي... نعم الوطن يستاهل وملوكنا حفظهم الله يستاهلون والشعب السعودي الكريم يستاهل ولا قلنا شيء إلاَّ الواجب علينا أتجاه الوطن الغالي على الجميع..مشكور على المرور الرائع روعة تواجدك وحضورك المشرق لك مني خالص التحايا والأحترام الخيَّال

[س لا م]

قالو: تحب وقلت : محبوبتي غيـر

محبوبتي.مـاهـي مــن آدم. وحــوَّا

يامفسريـن اللغـز مايـريـد تفسـيـر

محبوبـتـي بالقـلـب بـالـروح جــوَّا

هي مملكتنا موطـن الديـن والخيـر

الله رفـعـهــا بـالـكـرامـه اعــلـــوَّا

نعم نعم
صح لسانك وبيض الله وجهك يالامير تحياتي لك

[عبدالعزيزعلي]

صح السانك شاعرنا/عبيدالله دعيع
قصيده وافيه من وافي
تقديري لك
:

[آهــذريــبــك]

صح لسانك

وبيض الله وجهك