[سالم عبدالله]

السلام عليكم ورحمة الله وبركاته ..

اخواني في هذا الصرح العملاق

اتشرف بأن اضع هذي القصيده مصافحه اولى

واتشرف بأنتقادهم الهادف

ذبلت اماني الأنتظار والتوى حظي الكئيب = ولاحت بروق للعوتي ثم كشرت بأنيابها
يجتاحني سيل الأمل ويطرحه من ضيقي شعيب = حتى تكبدت العنا واصبحت اسم كتابها
شفت السحابه في عيوني وامطرت فوقي لهيب = كله سبب بعدك ونفسي ثايره بأعصابها
اعيش في داخل حدودي مير انا شخص ٍ غريب = ضيعت طرقات الفرح يادنيتي واترابها
ذنبي الوحيد اني اغير وغيرتي جرح ٍ عطيب = والمشكله الغيره دليل الحب عند احبابها
اسقيتني ماي الغلا وحذفتني ببطن القليب = واخذت بيدك بيرق الفرقا وسقت ركابها
يالريم بعدك بعثر ايامي ولو كنت اللبيب = حتى اصبحت دنياي جمله مالقيت اعرابها

سلامتكم

الموضوع الأصلي: فراق الريم | | الكاتب: سالم عبدالله | | المصدر: شبكة بني عبس

[مرزوق العجوني]

صح لسانك اخوي ولا هنت وتقبل مروري

[سالم عبدالله]

صح بدنك اخوي مرزوق ولاهنت عالمرور

[سالم عبدالله]

اخواني بما انه ما يصير اعدل المشاركه

هناك خطئ مطبعي بعجز البيت الأول

لاحت بروق للوعتي

وشكرا

[حنان الرشيدي]

ذنبي الوحيد اني اغير وغيرتي جرح ٍ عطيـب

والمشكله الغيره دليـل الحـب عنـد احبابهـا

:

صـــح لسانك ..

القصيدة بمجملها رائعه..

و أتمنى لك المزيد من التألق ..

:

نترقب جديدك بإذن المولى

و دمتَ بأفضل حال ..

[ابو سامي]

صح لسانك اخوي ولا هنت وتقبل مروري

[محمد الراشد]

انت شاعر جميل جميل

اسقيتني ماي الغلا وحذفتني بطن القليب
واخذت بيدك بيرق الفرقا ...

هنا الابداع وعسف المفردات
مثل (ماي)
انت شاعر خطير وجميل
رغم قصر القصيدة

[آهــذريــبــك]

مشكوووووووووور على القصيده

وصح لسانكـ