[سعد الشقل]

* بحر الخليج *

سلامي عليكم ياهل الشعر تال الليل=وبا شاعرن يطرب ليا دق هاجوسه
نبي شاعرن يستاهل البن والهيـل=يروس المعاني عكسها ما تروسـه

عبدالباري عطوان

هلا مرحبا يالجدي ابن عم خال اسهيل=وأنا شاعرٍ ماحب الأهرام معكوسه
ليا ستقت فنجالك شربنا الفناجيل=ونعطيك لارحنا على الخشم بوسه

* بحر الخليج *

نبيها تطيب اعلومنا والتعاليـل=مع الشاعر الي ماقرينا دروسه
لعلك جمل مايهمك الحط والشيل=لشفت الخطر قدام وجهك تدوسه

عبدالباري عطوان

نبيها سحابة صيف برق و هماليل=مع الشاعر اللي طال معنا جلوسه
أنا فارس اطارد على ضمّر الخيل=شعيب الحجاوي ماروتني رسوسه

* بحر الخليج *

تبيها سحابة جاك سيل ن ورا سيل=تشوفه بعينك كـل واد ن يحوسـه
ركبنا ظهور الخيل جيل ن بعد جيل=وكم من عريس ن ماتهنا بعروسـه

عبدالباري عطوان

ياسيل العَرِم خربت كل المحاصيل=تنازلت عن بحر الخليج وفلوسه
ركبتم خيولٍ ماتعرف تكسر الذيل=عسى ماتضيع أمن الشواوي تيوسه

* بحر الخليج *

لخربت محاصيلك تراها تساهيل=من عادت الدنيا تراها نحوسـه
تقوله بعد ماشفت منا التهاويـل=لاترتخي والحرب دقت جروسه

عبدالباري عطوان

تحصلت ردد ليل ماطولك ياليل=راعك وكفك بالعصيب مغموسه
تهاويل شفنا شيء يبحث خفى الحيل=أنا مالي بحربٍ ضروس وعبوسه

* بحر الخليج *

تبي تجرها مسحوب والا مواويـل=ليا بغيت السيـل دور اعسوسـه
ماتوجد مشاكل مع رجال ن مشاكيل=يا صار ساس البيت مافيه سوسـه

الموضوع الأصلي: محاورة جزلة *بحر الخليج* وعبدالباري عبدالعزيز | | الكاتب: سعد الشقل | | المصدر: شبكة بني عبس

[الذيب]

بيض الله وجهك يامشرف المحاوره على هذا التنسيق
الجميل .وتمنى منك دائما تنسيق المحاورات اللتي تقام في هذه الشبكه العبسيه

وفقك ربي

[عبدالعزيز الخياري]

محاوره جميله من الشاعرين عبدالباري

و بحر الخليج والتنسيق اعطاها جمالا اكثر

تقبل تحياتي

[سعد الفلاح]

مشكووور أخوي سعد على التنسيق وصح اللسنت الشعار ولاهنت يلغالي

[عبدالباري عبدالعزيز]

مشكور اخوي سعد الشقل على تنسيق المحاورة
ولكن عندي ملاحظة:
اسمي عبد الباري ابن عبد العزيز
عطوان هذا للجحش والزيييييييييييييييييييير للمعلومية

[سالم الزير]

ياسلااااااااااااام ياعبدالباري عطوان والجحش صراحه محاورتكم طيبه ومقصاتها متعوجه والتحليل المبدئي للمحاورة على النحو التالي

يتحدث الشعار عن بعركة بغا العباسي رحمه الله وبعدها تحولو الى تحولو بطريقه غير طبيعيه قصة وضحى وابن عجلان ويبدو بان عبدالباري عطوان فاز بهذه المحاورة القوية

هههههههههههههههههههههههههههههه

المهلهل

[منصور العجوني]

مشكورعلى التنسيق يامشرفنا الله يعطيك الصحه والعافيه
المحاوره رائعه نقض وفتل بين الشعار الله يبيض وجيهم

[بحــ الخليج ــر]

lمشكور ياخوي سعد الشقل والرائع منصور العجوني على هذا التنسيق واشكر الشاعر عبدالباري بن عبدالعزيز على ابياته الرائعة وللعلم هو اول شاعر كان لي الشرف اني لعبت معاه في هذا المنتدى الطيب واتمنى ان التقي معاه في مرات قادمة انشاء الله