[فيصل المظيبرى]

ياعين حر ٍ شلع قدام طاروح=حاول يصيده وفكته السلامه
زرق له اللى معه ماوده يروح=من القطا زوج والثالث حمامه
واقفى يتل النظر والقلب والروح=متنكر ٍحال من دونه عسامه
نادر ولا هل الولع بالطيب ممدوح=وافى وصدره عريض وطول قامه
ابيض مسرول بياضه كنه الضوح=برق ٍتكاشف على صدرالغمامه
حر ٍنداوى على فرقاه مجروح=جرح اطرق الرمش لحرمنى منامه
قبله طرحت الكثير وعلق اللوح=ولا تكسبت ربحه من عمامه
لاشك مثله يصير امال وطموح=ويفرض على النفس حبه واحترامه
افخت صيدك وصرت اليوم مطروح=واشتاقك السبق ياسيد مقامه
واليوم ياطير دونك ليل وسفوح=وهواجس البعد وشعور الندامه
من عقب فرقاك مالصيد مصلوح=ولا عاد للبيد ضحكه وابتسامه
يابعد ممساك عنى يامدى البوح=وياقرب حلم ٍيجيك فى منامه
اشغلتنى معك كلك وين مااروح=واشغلت فيك المولع واهتمامه
واحرجتنى يابعيد الطلع والشوح=وحملتنى من بعض ربعى ملامه
تدرى وش اكبر خطا ماهومسموح=لا صرت عاقل وخمتك الغشامه

الموضوع الأصلي: مدى البوح زعل الرشيدى | | الكاتب: فيصل المظيبرى | | المصدر: شبكة بني عبس

[البعيد الهادي]

صح اللسان الشاعر /زعل الرشيدي
قصيده جزله ومن شاعر جزل
وبيض الله وجهك اخي /فيصل
على هذا النقل
تحيآآآآآآآآآآآآتي لك

["حرة عبس"]

نقل عـــذب اشكرك عليه ..


صح السانك و السان شاعرها ...


عســـاك على القــــــــوه ...

[عطر الاوركيد]

الله يعطيك العافيه
على القصيده الجميله
والنقل الاجمل

[هاني العرعري]

الله يعطيك العافيه
على القصيده الجميله
والنقل الاجمل

[فيصل المظيبرى]

البعيد الهادى
اسعدنى مرورك

وشكرا للجميع

[العمدة*]

الله يعطيك العافيه

[فيصل المظيبرى]

حره عبس
اسعدنى مرورك

العذب

تحياتى لك