[سعد القلادي]

الســـلام عليكــــم

~~~~~~~~~~~~~~~~

ياللي شكيت من الحب في كل الاحوال
مافي محبوب شكا من الهوى الا انت..

لاصرت منت بالثقيلات شيال
خل الهوى لاهل الهوى وانت لاهنت..

وشفيك دمعك من على وجنتك سال
وانت الذي في سيرة الحب هيجنت..

ياشينها لامن بكت عين رجال
والمشكلة لامن بكت والسبب بنت..

ابكشف المخفي من اقصار واطوال
دام المشاعر في خفوقي تغنت..

والله لغني من الحب موال
وابين اللي صار واطلع برنت..!!

انااكتشفت ان الهوى لعب جهال
وان الهوى يهين نفس تدنت..

والمشكلة كم واحد في الهوى مال
وكم نفس في دنيا المحبين ونت..

صار الغلا ينباع بجنيه وريال
وصار التعارف في زمانا على النت ..!!

وصار الغلا يشرى وينباع بالمال
هذا بعد ماتهت في الحب وامنت..

وناس تمنت للهوى شخص حلال
وانا اشهد انها مالقت ماتمنت..!!

وناس تقول ان الهوى مابه اشكال
ومشاعره من قوم عزمه تبنت..

ياللي تدور في الهوى راحة البال
قبلك امم في الحب ونت وغنت..

ومن عاصر اهل الحب في مر الاجيال
ماينذكر في الحب نفس تهنت..

هذا وانا بضرب مثل ضمن الامثال
وكفي من جروح المحبة تحنت..

العيب ماهو لاتراجعت في الحال
وتصير كنك ضمن الاحباب ماكنت

العيب لامنها بكت عين رجال
والمشكلة لامن بكت والسبب بنت..!!

~~~~~~~~~~~~~~~~~~

..

.

تحيــاتــي

..

الموضوع الأصلي: ياشينها لابكت عين رجال | | الكاتب: سعد القلادي | | المصدر: شبكة بني عبس

[القنبلة الذرية]

الله لا يهينك وقصيده جزله ،،،،،،تقبل مرووووري


صح لساااااااااااانك

[عطر الاوركيد]

ياللي تدور في الهوى راحة البال
قبلك امم في الحب ونت وغنت..

قصيده رائعه وكلمات ارووع
شكرا لك اخوي
سعد
تقبل تحياتي
عطر الاوركيد...

[طلال محمد ناهس]

صح السانك اخووي

[نمر فهد بن براك]

الله لا يهينك وقصيده جزله ،،،،،،تقبل مرووووري


صح لساااااااااااانك