[رسام]

يالله يامن كلنا له مطيعين............يجازي نفوس العباد بعملها .
رحماك ياربي وحنا ضعيفين............نطرد هوى نفسِ على الذنب ولها.
قلوبنا زينه ودرب الخطا شين............وعيونا دمع الخطايا كحلها.

جينا نبي رحمتك يحافظ الدين............جيناك ندفن روسنا من خجلها.
لنا ثلاث سنين او أربع سنين............نرجي حيا دارِ تطاول محلها.
يالله بغيثِ يضرب القاع شهرين............ على الديار اللي تشرف بــ أهلها.
تغريب من حايل شمال الشريفين............ دارِ تضم لطيبها من نزلها.
يعلها الوسمي من الحين للحين............والنفس عن ضيق الهواجيس دلها .

المي ناقع تحت سرب الكراوين............ وام الارانب لعبها في دحلها.
تلقى الزبيدي مثل روس الصعانين............للارض قابلته ولا هو قبلها.
تقطف زبيديه ومن بعد يومين............ في نفس مقطفها تعيّن بدلها.

والعشب فوق الارض تقريب مترين............ متخالطِ نوارها مع نفلها.

يا وجد حالي يالرجال الحشيمين............اللي قليله بالمخاوى زللها.
نمشي على سلم الرجال القديمين............ من مرته عوجا رفيقه عدلها .
ميعادنا بكره على وارد الفين............جيوب شاصِ ما نحرك دبلها.

عيونهن تشبه عيون الشياهين............ كن الرياح الذاريات تحملها.

وأول ما يطري مع زنين الشكامين............ زنة خليات النحل من نحلها.
ولينتها المشوار بين الضحاوين............والنفس تدفع في رضاها زعلها.
طاح الحطب والنار دخانها زين............ليا تمكن بالعيون يغسلها .
وقربلهن رسلان ابو ختم قوسين............في يد شغموم الرجال وبطلها .

وتشنكر ولاد السنه بالكرّاعين............شعيرة الفلاح ما تسد اكلها.
وليا سكر هب الهوى جاك صوتين............ يبرن كبدِ مرمساتِ عللها.
اللقح والفطر من الخنفه يمين............ويساره الخلفات بالروض تلها.

وبكار عاااام العام بين الجهامين............ترعى تحت هيبة وحشمة فــحــلها.

يبرى لهن راعي تبعهن من سنين............موالفات لصيحته لنتلها.
وليا بغى دارهامنا المليعن............حول عن وروك الرحول وعقلها.
وليا ضوان اليل بحساب ليلين............ونفوسنا وسع الفياض وسهلها.
ثم إستوى الفنجال بين الصلاتين............وقامت سواليف القصيد بعملها.
هاذي منات القلب والروح والعين............قدام نفسي لا توافي اجلها .
اخير من قولت حكم صن خمسين............وهذا مشكلها والاخر دبلها.
قال ابشر بميه وتردف سراوين............وإن قالها الله غير نلقا حللها.
جمع ورق بيلوت زاتين زاتين............وقل للموزع رح دامه شخلها .
وعطني هنا ياموزع الزات ثنتين............وشلها اذا تقدر عمى عين شلها .
لجه وصجه تقل جمعة مساكين............كبار سن وزود الله جهلها.

الموضوع الأصلي: قصيده تفتح النفس للشاعر مطلق النومسي | | الكاتب: رسام | | المصدر: شبكة بني عبس

[ابو محمد العريض]

صح السان الشاعر


ولا هنت على النقل

[رسام]

صح بدنك اخوي ومشكور على الرد

[العووضي]

قصيده جميله وشكر ا علي النقل

[ابو بيان]

وليـا ضـوان اليـل بحسـاب ليلـيـنونفوسنـا وسـع الفيـاض وسهلـهـا.

ثم إستوى الفنجـال بيـن الصلاتيـنوقامت سواليـف القصيـد بعملهـا.

هاذي منات القلب والروح والعيـنقــدام نفـسـي لا تـوافـي اجلـهـا .

اخير من قولت حكم صن خمسينوهــذا مشكلـهـا والاخـــر دبـلـهـا.

قال ابشر بميـه وتـردف سراويـنوإن قالـهـا الله غـيـر نلـقـا حللها.

جمـع ورق بيـلـوت زاتـيـن زاتـيـنوقـل للمـوزع رح دامـه شخلـهـا .

وعطني هنا يامـوزع الـزات ثنتيـنوشلها اذا تقدر عمى عيـن شلهـا .

لجه وصجه تقـل جمعـة مساكيـنكـبــار ســـن وزود الله جـهـلـهـا.

صح للسانك يامطلق النومسى واشكر على النقل يارسام وبيض الله وجهك قصيده جزله

[فرحان]

اختيار موفق لاهنت على جزالة النقل

[برق الوسم]

اختيار موفق لاهنت

[ابو سامي]

صح السان الشاعر


ولا هنت على النقل