[سعد الشقل]

السلام عليكم ورحمة الله وبركاته


انقل لكم هذي المحاوره التي اقيمت في مهرجان حائل ..//


بين الشاعرين عبدالله الاشرم // وشاهر العنزي




عبدالله الاشرم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تحية المسلم سلام الله من قلب سليم=بعد السلام نفصل الاخبار والمخرج ملي
وين المدير اللي يدير كبار علامة تميم=اللي لسانه مثل سلة سيف ابوطالب علي[/POEM]



شاهر العنزي



[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مرحبا بك بالنيابة عد ما هب النسيم=ردية نبدا بها والحظ دايم معتلي
يالاشرم الاخبار مابين المسافر والمقيم=لكن صدرك بالهواجس لا يغيض ويمتلي[/POEM]


عبدالله الاشرم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل البشر تمشي على حد الصراط المستقيم=ابو حنف والشافعي والمالكي والحنبلي
انته شمالي طرقتك مابين حايل والقصيم =مالك ومال عيال بدوا اللي تشد وتنزلي[/POEM]


شاهر العنزي

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل االبشر تمشي تحت حكم الولي والله عليم =انته محاسب بعملك وانا محاسب بعملي
انته وانا جيران يا رجال بالوقت القديم =لا تردد الاخبار يا رجال مثل البلبلي[/POEM]


عبدالله الاشرم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا شيخ من عيّا عن الجنه مرده للجحيم =والنار فاض بطنها تشحذ وعيت تمتلي
اتقول لي شاعر حكيم اقول لك شاعر حكيم =وانته تعشيت الطلي وتدور لسان الطلي [/POEM]


شاهر العنزي

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المسلمين الطاهرين بجنة الرب الرحيم=وتبقى جهنم لليهود ودمهم يغلي غلي
انته صحيبي ياوسيع العرف ماانته لي خصيم =وان كان ما طاوعتني جاك الحساب مفلفلي[/POEM]

عبدالله الاشرم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترى المدارس والمدرس حطها الله للغشيم=وملوك ابت تسجد وفيه ملوك تسجد للولي
تنفخ مثل نفخة شريم وبرطمك برطم شريم=راسك مع جهينه ورجليك الطويله مع بلي [/POEM]


شاهر العنزي

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما هنا بخيل يجود بالمدّه ولا يبخل كريم=مالك ومال بليس ما يجهل به الا الجاهلي
غلطان ياللي ترجي الخلفه من العود العقيم =رجليه وسط العاصمه والراس داخل حايلي [/POEM]

الموضوع الأصلي: عبدالله الاشرم × شاهر العنزي | | الكاتب: سعد الشقل | | المصدر: شبكة بني عبس

[س لا م]

صح لسان الشعراء ومشكور ياسعد

[الاشقر]

انته شمالي طرقتك مابين حايل والقصيـم

مالك ومال عيال بدوا اللي تشـد وتنزلـي

اتقول لي شاعر حكيم اقول لك شاعر حكيم

وانته تعشيت الطلي وتدور لسـان الطلـي

يا سلام يا شريم مبدع كالعاده

لاهنت يالشقل على النقل المميز

[ابو براك الرياض]

صح لسان الشعراء ومشكور ياسعد

[@كحيلان@]

صح لسان الشاعرالكبيرعبدالله الاشرم وشاهر
على المحاورة الرائعه
والله لايهينك على النقل الرائع