[آهــذريــبــك]

جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك

عرفت الحب بغيابي وعرفت انك معـي غلطـان
تاكد مـا يشرفنـي طريـق دربـه وصالـك

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك

لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك

اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنايالك

تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالك

بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفي لـك!!

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك

أبيك تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟

تدل الدرب من دونـي وتمشي بسكه الاحزان
توكـل لا تنادينـي والله يعينك علـى حـالـك

وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااااااك اشوالك

غسلت ايديني من حبك وبرحل واهجرك يافـلان
فمـان الله وبقوولك نصيحـه خلـهـا في بالك

ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

وســـلآمـــتـــكــم

الموضوع الأصلي: اقص الراس قدامك ولا اخضع لااشكالك | | الكاتب: آهــذريــبــك | | المصدر: شبكة بني عبس

[شاعر بني عبس]

اخوووي حاكم
صح لسانك والله يعطيك العافيه ...

اخي الكريم قصيده جميله وراقيه

ولكن سبق لي وقرئتها بأكثر من 9 منتديات
هل هي منقووله ؟؟؟؟

وشكرا ...

[آهــذريــبــك]

نعم منقولة