[بدر الحشية]

بديت باسم مكون الإنس والجان = باسمه يعاهد كل جنّ مرودي
وردًا على ما قاله فلان و فلان = ضوعف النفوس اللي تغث الكبودي
تاريخ متجرد و تأليف عميان = كنه على ظلم العباد محدودي
أخص من سطر بالأحقاد ديوان =حقود والمصدر كتابة حقودي
أليا أنعدم مبدى العقيدة بالإنسان =يقد ر يسوي ما يسوي اليهودي
ولأهل الوفاء والصدق شكرًا وعرفان = وتحيةٍ عطرة وباقة ورودي
نعم رشيدي من بني عبس غطفان = من قيس بن عيلان شجرة جدودي
تحت مسمى عبس وأشجع وذبيان= تلقى عناويني ومجدي وجودي
هرجٍٍ على صدق وحقا يق وبرهان = حقايقٍٍ تدمغ دماغ ألجحودي
حقايقٍٍ تروي معاني خبر كان=بخطوط كوفية بصمّ الحيودي
حصل المنافس والسّبب سبّة رهان = سبّة فرس وحصان راحت فهودي
وجانا بغا التركي ودارنّ الاكوان=دون الكرامة و الوطن والعدودي
ومرّالجفاف وراحوا البدو فرقان = كلٍِ طوى بيته بظهر القعودي
وزاحوا لنا من غبر الأيام فرسان = أحدٍ حدر و أحدٍ توجّه سنودي
شالوا على فلك البحر لام درمان = يبون وديانٍِ سقتها الرعودي
ثم استقروا بين كسلا وحلفان = يتلون شف مطيرات البدودي
ونزلٍِ نزح للسّيف راضي وقنعان = من البحر للدبدبة للنفودي
قوم لهم في ساحة المجد ميدان = يوم إنّ كلٍِ دون حدّة يذودي
صالوا وجالوا وأستقروا بهدلان = دار الصباح اللى تلم الوفودي
ونزلٍِ تورث منزلة عبس بآبآن =ونزلٍِ بوادي السّر سوى السدودي
وفي كل دار إلنا موارد وعربان= وتاريخنا بارض العرب لة وجودي
وحنا بقينا بالمنازل والأوطان= بأقسى الظروف مواصلين الصمودي
ترمز لنا الكفة هويه و عنوان =الناس تعرف والعواني ترودي
يوم الجزيرة بين تسعين شيطان= نطعن ونطعن دون هاك الحدودي
من المدينة حدنا ضلع حبران= ما يمرها الا من خضع للقيودي
ومن حرّة الكورة لشرقي مراغان=بعد أمرنا يردون ماها الورودي
ومن ذاق ضرب سهومنا راح ندمان = يموت ما فكر بلم الجرودي
إسلاحنا قوّ العزيمة والأيمان= وألاّ عددنا بالحساب معدودي
ودخيلنا ممن عن الضيم ما يهان= وسلامته نبذل وراها الجهودي
وخوينا ما يكظم الغيض زعلان = وقصيرنا نعطيه حقه وزودي
حنا هل المعروف ورجال الاحسان = قوم نجود اليا أنعدم كل جودي
وأمجادنا غصبٍ على كل مرضان =شعاع ذري في عيون الحسودي
ويوم أرسل الله مسلمًا لم الأخوان= سرنا ورى صقر الجزيرة جنودي
من ضمن جيش الفيصلي نسل عدنان =والله يشهد والخلايق شهودي
وننعم بحكم محاسبة كل غلطان = ولا عاش من يجرح كرامة سعودي

الموضوع الأصلي: عبسية عيد بن مربح | | الكاتب: بدر الحشية | | المصدر: شبكة بني عبس

[عبدالعزيز الخياري]

صح لسان

الشاعر الكبير/ عيد بن مربح

حفظه الله

ولاهي غريبه على ابو غريب صياغة مثل هالابيات..

شكراً لك اخوي بدر على النقل.
تقبل تقديري...

[بندر الذيابي]

صح لسااااااااان شاعرنا الكبير عيد بن مربح



والف شكر لك اخوي علي النقل


تحياتي


بندر

[عبسيه كويتيه]

يسلموووو خيو بدر وقصيده ترفع الراس

[عبدالله عوجان]

ابو غريب ليس شاعر فقط بل هو رايد من رواد الشعر النبطي
فماهي غريبه على شاعر بحجم ابن مربح هذه الشاهقه
والف شكر اخوي بدر على النقل

[صادق الوعد]

صح السان الشاعر ,, عيد بن مربح

ومشكور بدر على نقل القصيده الله يبيض وجهك

تقبل ؟؟؟ تحياتي

[مطر العرعري]

السلام عليكم ورحمة الله وبركاته اشكركم على الموقع الجميل واقول الى الامام واشكر الشاعر الكبير عيد بن مربح على قصيدة عبسية وعيد والله غني عن اتعريف بشعرة الجميل والجذاب هذا والسلام عليكم

[ابوصالح]

السلام عليكم ورحمة الله وبركاته

صح السان الشاعرعيد بن مربح

ومشكور بدر على نقل القصيده الله يبيض وجهك

شكراً لك اخي الكريم