[بتاال]

اقتباس من مشاركة بحــ الخليج ــر طيب طيب يوم القبايل سيرته عندها عيب=جفوه وانا ستر زاهي خضابه يبي يتقضب مالقاله مقاضيب=من وين ماوجٌه لقاله حرابه

اسمع اسمع

المشكله ذي لحيتك والأشانيب = وانته ولد عمي وهذا قرابه
عسا العوض بصحابنا والمعازيب = واهل النجيره عزمهم به صلابه

[تأبط شراً]

يامرحبا بالزعيم

[تأبط شراً]

من يعلمني بصاحب البيت اللي يقول
تجمعتوا من عتيق وحجلا وابرق الكبريت
وصرتم ... كلكم حجلان برقانة

[بحــ الخليج ــر]

اقتباس من مشاركة بتاال اسمع اسمع المشكله ذي لحيتك والأشانيب = وانته ولد عمي وهذا قرابه عسا العوض بصحابنا والمعازيب = واهل النجيره عزمهم به صلابه

انا فعلت الطيب واتعب على الطيب=ولاني مدور ردها من زهابه
ياصاحبي وش لك بكثر العذاريب=الفعل دامر والاسامي نهابه

[السلطة المنزلة]

لاتجيبون المور الأ أهو مليان ثم صبوه بحلق العدو علشان يبرد حيله

[بنت العبسي]

صباحكم رضا الرحمن
و محاورة قوية ماشااء الله

:

.

متابعة وصحت اللسنتكم

في صف بحر الخليج ولا يهون بتااال

[بحــ الخليج ــر]

اقتباس من مشاركة تأبط شراً من يعلمني بصاحب البيت اللي يقول تجمعتوا من عتيق وحجلا وابرق الكبريت وصرتم ... كلكم حجلان برقانة

ماعندي خبر ياتأبط شرا

[بتاال]

اقتباس من مشاركة بحــ الخليج ــر انا فعلت الطيب واتعب على الطيب=ولاني مدور ردها من زهابه ياصاحبي وش لك بكثر العذاريب=الفعل دامر والاسامي نهابه

القرد قرد ولو يروس المراقيب = ماله خشير وعيشته بالطلابه
والهابط اللي فيه ظرب المشاعيب = امسى على الصيهد وصبح بغابه