[ناصر محياء]

عبد الرحمن خضير

في دواوين عبس ومنتدى ابنا عبس = مرحبا من هجوس(ن) لاح بارقها
انت وشفت يا ناصر قبل قبل امس = كل ناس(ن) عرفنا وش حقا يقها

ناصر محياء

مرحباء فيك يلي ماقصرك اللبس = شهرتك مع هبوب الريح سايقها
شفت الي طير حراّ في مكاناّّ ضبس = والقوانيص راس الضلع عايقها

عبدالرحمن خضير

سوق معنى القوافي وحمسوها حمس = قبل ريح الهبايب لا تصافقها
ابو رجل(ن) كبيره وبو اصابع خمس = ما يعرف الهنوف ولا يعانقها

ناصرمحياء

انت وشلون تجبر والكسر بالجبس = ومنكب الشيخ طش الحمل عاتقها
كانها بجاه جوك الربع فوق الجمس = وانت ربعك على الطيب تسابقها

عبد الرحمن خضير

فيه علم(ن) وجيه وفيه علم بهمس = وان ذبحت الذبيحه لا تمرقها
والا و اد م تميز ها بذو ق و لمس= والله اللي خلق خلقه وفرقها

ناصر محياء

امسك الدرب جعله مايجيك الطمس = قبل ساعتك لازود دقايقها
شفت وشلون صفو صف جنب النمس = وصلو لاسماء السابع معالقها

عبد الرحمن خضير

اغمس يديك في ديد المنيحه غمس = و عرف الارض مغربها ومشرقه
ممتلت خبنت التاجر من اهل الببس= والخساره ما حسب في لاحايقها

ناصر محياء

لاتحط لامانه دون سور الحبس = ثم تلقى من الحراس بايقها
العسل صار سوقه جنب سوق الدبس = والمكاسب حسب جودة طرايقها

عبدالرحمن خضير

من غرسله وديه يعتني بلغرس= و كل دو له محد يجهل منا طقه
راحت القمه الي بين ناب وضرس= وكل عذرا تشوم ءال وجه عاشقها

ناصر محياء

انت وشفيك عذبت القلم والطرس = والعبارة متكتب باسم ناطقها
انت وشلون تعرش والفطيره مرس = انت متوكد انك صح ذايقها

ولكم مني اجمل تحية

الموضوع الأصلي: محاورة ناصر محياء= عبد الرحمن | | الكاتب: ناصر محياء | | المصدر: شبكة بني عبس

[سعد الفلاح]

صح أللسانكم على الطاروق الأكثر من رائع


وتسلم يمينك يابن محيا على النقل ولاهنت


وأسمحلي بنقلها ألى مكانها الصحيح

[ابو براك الرياض]

يعطيك العافيه


على النقل


الرايع

[الحجباء]

الله لايهينك يا ناصر والله لايهينك يا عبدالرحمن عالمحاورة الراقيه

ونتظر المزيد من الابداع .....

[خطير]

كل عام وانتم بخير

[ناصر الفلاح]

ناصر محياء

لاتـحـط لامـانـه دون ســـور الـحـبـس

ثـــم تـلـقـى مـــن الـحــراس بـايـقـهـا

العسل صار سوقه جنب سوق الدبس

والمكـاسـب حـسـب جــودة طرايقـهـا

اللله الله صح لسانكم

[bob83b]

Keep up this great resource. ---- Bobby R. (Air Jordans).