[غزلآن]

( 9 ) ................................. (
)

اليوم هو يومي " التاسع "
ورغم المرض كنت أنا صايم
الفرق .. يا سائلي شاسع
والجو هذا المسا .. " غايم "

[ تعبت ] من حظي الكاسع
صاحي .. وفيني البخت نايم ؟
أصبر على جرحي اللاسع
و ( الجرح ) عاشقني وهايم

القلب , ما عاد لي ياسع
وفي داخله .. الحزن عايم
الكون ما ضاق بي واسع
اللي يضيق ( الصدر ) دايم

(
) .................................

[فطومة]

تسلميين على النقل المتواااصل والرااائع غصن صن.......
تقبلي مروري.......

[عبد المجيد الرشيدي]

كل عاااااااام وانتم طيبين ونتمااا المشااااركه تكون اكثر في الشهر الفضيل وتقبلوو تحياااتي

[غزلآن]

الله يسلمكم و مشكوورين على المروور العطر
و ربي يعطيكم العافيه ...

[غزلآن]

/ 10 // - - - - - - - - - - - - - - - // //


" عشر" أيَّام مرَّتني سريعه
ولا جاني خبر يروي إنتظاري

شريت الحُب ومو قادر أبيعه
غريبه كيف أنا ضايع قراري !

مثل طيرٍ .. نطر موسم ربيعه
يبيه القلب وما كان إختياري

وقلبي رغم هالدنيا الوسيعه
يشوفه زهر والعالم صحاري

أنا لو هـي عليَّه ما أطيعه
ولا أحبه ولا أبي منْه طاري

عشر أيَّام .. والفرقى فظيعه
بدونه إختلط ليلي بـ نهاري !


// // - - - - - - - - - - - - - - -

[غزلآن]

{ 11 } .................................. { }

- طنِّش ..
- تعش ..
- تنتعش ..

لا تنقهر
ما على قلبك أمر
ولا تنصدم إن لقيت
أقرب أصحابك يحش !
سافِر " مصر "
وتالي إرجع للـ كويت
..
طنِّش , تعش , تنتعش

لا تناقش من يذمِّك
واللي حاصل - لا يهمِّك
لو يهمِّك شفت قلبك
من [ همومك ] ينفرش !
..
طنِّش , تعش , تنتعش

وقبل كل هذا نسيت
تدري لو تعطي جروحك " وجه"
والله تبتلش !
الغضب باين على إيدك
تكلِّمني وترتعش !
..
طنِّش , تعش , تنتعش

شوف يا قلبي وتعلَّم
دام هـ الدنيا تجارب
هذا كل عمره مسالم
وذاك كل لحظه يحارب !
ربِّي حسن الخاتمه ..
كل هذا صار في يوم ( 11 )
..
طنِّش , تعش , تنتعش

{ } ..................................

[صقربني عبس]

مشكوووووووووووووووووووووووووووورة

[غزلآن]

|| 12 || ........................................ || ||


سلِّم عليه .. وقِلَّه إنِّي " مسافر "
وقِلَّه [ فمان الله ] من قلب مجروح

خلَّه يذوق الشُوق , لا رحت باكر
يمكن يحس بـ قيمتي بعد ما أروح

بـ أكون غايب حتَّى لو كنت حاضر
ممنوع يسمع صوتي لو كان مسموح

ماني على بعضي مثل ما هو خابر
من كثر غلطاته إطلعت منِّي الروح

إن قال برجع قول ناوي : أهاجر
قلبي تسكَّر " بابه " ما عاد مفتوح

علَّمته درس الحُب وما كان شاطر
وسافرت يمكن يفتهم بعد ما أروح

|| || ........................................