[أنكسارحلم]

السلام عليكم ورحمة الله وبركاته
كل عام والجميع بخير
إليكم هذه الأبيات التي تفيدكم عن أسباب إنقطاع العمدة عن
المنتدى لمدة اسبوع ::

اتلا الخبر فبو تركي يوم عصر الخميس=الشايب اللي تولع عقب مالراس شاب
وقدامه الحب وش سوى بليلى وقيس=وبن سبيل وبن لعبون وابو عقاب
واليوم ابو تركي ابحر المحبه يقيس=اثره من الصغر قلبه بالمحبه مصاب
جتني علوم ٍ عنه قالولي انه عريس=اعرس على بنت قوم ٍ ماتعرف النقاب
يقول ابن عادي (العمده تزوج لميس)=يهب يالعمده اللي للخطر مايهاب
ليته تريح وعوذ ياعرب من بليس=ماله ومال انقره ومدربين الكلاب
بكره يبا يروح معهم في حويس ودويس=يرطن مثل رطنهم ويحط للراس كاب
قدام لايروح قلبه يابن عادي فطيس=افزع لنا وانصحه لاتضيع فيه الطباب
تراك مسؤول ومحاسب مادامك جليس=امجالسه ومستشاره يوم حرب الحزاب
خله يعود قبل لايروح عمره تعيس=يرجع على بنت من تثني خلاف الركاب
ربع ٍ بوجه العدا ماغير تضرس ضريس=يومنها بالقناء ومصقلات النصاب
وياعبس ماعاد للعمده كلام وحسيس=الله يرده علينا بعد طول الغياب

وكل عام وانتم بخير

الموضوع الأصلي: العمده مع لميس في تركيا | | الكاتب: أنكسارحلم | | المصدر: شبكة بني عبس

[محمدالذيابي]

صح السانك

الله حسيبك يالميس حتى العمده ماسلم من شرك


تقبل مروري اخوي ناصر

[أنكسارحلم]

اقتباس من مشاركة محمدالذيابي صح السانك الله حسيبك يالميس حتى العمده ماسلم من شرك تقبل مروري اخوي ناصر

يامرحبا يامحمد كل عام وانت بخير
على ذمت ابن عادي انه شاف العمده مع لميس
ويقول الظاهر وهو ماهو متئكد ان الجحش معهم
هههههههههههههههه

[شهاليل]

خخخخخ
يعطيك العافيــه اخوي نااصر
اهب يالعمــده منت بسيط

اقتباس من مشاركة ناصر الشويلعي ويقول الظاهر وهو ماهو متئكد ان الجحش معهم هههههههههههههههه

آخ يالقهــر وانا لي شهر ادور الجحش
وتاليتها يطلع هناك
يله بسيطه

[محمدالذيابي]

اقتباس من مشاركة ناصر الشويلعي يامرحبا يامحمد كل عام وانت بخير على ذمت ابن عادي انه شاف العمده مع لميس ويقول الظاهر وهو ماهو متئكد ان الجحش معهم هههههههههههههههه

وأنت بخير

ومبارك عليك الشهر أنشالله

وأبن عادي هناك بعد هههههههههه

لاوالله,, الله يستر بس

[شامان]

الشاعر ناصر الشويلعي كل عام وانت بخير

والعمدة ياخوفي لا يكون ضحية الفضائيات
انت تخبر الشيبان لا سرى الليل يتابعون المسلسل والاعادة وكل شيء يتعلق فيه والظاهر ان الكلام صحيح العمدة ماله شوفه

بعض السوالف لا جت من شخص يشبه أويس=نصدقه ونتحاشى هرجة الانقلاب
هرجن يخص الشيوخ مقابله (فيس فيس)=قصة عجيبه ولكن ماعليها عتاب
تخص شخصن عزيز مصيفن يم (نيس)=وغير ملفات رحلاته بوقت الغياب
حاله غريبة يحب العود جلسة لميس=ياناصر ابن شويلع لا يروّح ذهاب
العمدة اللي بدار الترك مصبح حبيس=لا يصاله لا اتصال ولا يجيه الكتاب
ليته توجه لمكة يوم يقرى السديس=وقت التراويح بالقرآن وابليس خاب
ياخوف قلبي لايصبح مثل ( بتوع التبيس)=يوم اصبحوا لقمتن مابين ضرسن وناب
من بعد ما يأكل اللقمة ومعها المريس=هالحين ياكل اسكندر مع فطاير كباب ههههههههههه
ومن بعد ماهو زعيم الحزب وايضا رئيس=للرابطة صار قلبه من سببها صواب
ياناصر افزع لبن عمك بذبحت لميس=من قبل لا يصبح الشايب بجوف التراب

[مسندالعويمري]

هههههههههههههههههههه

الله يخارجنا تكفون عطونا رقمه بتصل عليه وانشده كيف الاجواء ذبحنا الحر هنا اذا الاجواء ممطره

وبارده بنصوم عندهم

صح السانك يابو خالد وبيض الله وجهك ولكن نبي علوم الجحش وين ربع اووين قييض هههههههههه

[خلف العايضي]

حسبي الله على سنوات الضياع اللي اخذ منا العمده



صح السانك يابن صويااااان



تقبل التحية والتقدير