[صادق الوعد]

حبيب العازمي


مرحبا ترحيبت الاسلام في بيت المدينه

الذي شيد على أرض العاصمه للي يزوره

يا بلادي دام عزك في رخا وأمن وسكينه

في ذرى الله ثم ذرى حكم الملوك اخوان نوره




راشد السحيمي


البقا ووجودكم ووجودنا فرصه ثمينه

فالمحل اللى منور ليلنا من زود نوره

يابلادي دام عزك في ذرا اليمنى الأمينه

البلاد اللي بشرع الله على العز امعموره




حبيب العازمي



دايم المسلم معه غيره على عرضه ودينه

والمخالف كل مايبحث عنه تشويه صوره

وأنت يا راشد مسافر فالبحر فوق السفينه

والمسافر فأخر الرحله يعبر عن شعوره




راشد السحيمي



واحد ما هو غيور لدينه الله لا يعينه

ليش نغلط والشريعه واضحه والأمر شوره

السفينه مابها الا الكبتن اللي بالكبينه

جايز أنا ناصله ونكلمه عند الضروره




حبيب العازمي



الخطا وارد لكن أمن القريب أكبر غبينه

مير مال الشر طب الا اجتثاثه من جذوره

خلها بيني وبينك والخطر بينك وبينه

سور واقي يحمي المخطور من شر الخطوره




راشد السحيمي



ياحبيب يمكن الواحد يشكك في قرينه

والصحيح الشمس كوكب ثابته والأرض كوره

من يقول انه ليا مرض الجمل يكوى سنينه

يلتمس له عذر مير النفس ماهي بمعذوره




حبيب العازمي



الرجال أرجال ثم جبال وحصون حصينه

والزمن ياكثر فضله والدهر ياكثر جوره

علمو راشد يوضح دوره الله لا يهينه

الشجيع اللي يحسم المعركه والدور دوره



راشد السحيمي



كم باقي عن طلوع الشعره اللي بالعجينه

شعرت لو خمها واحد غلط نشبت بزوره

دورنا دور الولا والصدق في وقته وحينه

ماتقوله في غياب الرجل قوله في حضوره

الموضوع الأصلي: محاورة,,,,,,,, حبيب العاززمي > وراشد السحيمي | | الكاتب: صادق الوعد | | المصدر: شبكة بني عبس

[عبدالعزيز الخياري]

صادق الوعد

سلمت على النقل الرائع وحسن الاختيار لمحاورة شاعرين من كبار الشعراء ........

الخطا وارد لكن أمن القريب أكبـر غبينـهمير مال الشر طب الا اجتثاثه من جذوره

تقبل تحياتي

[أنكسارحلم]

صادق الوعد

مشكور على هذا النقل الرائع

الله يعافيك

[صادق الوعد]

اقتباس من مشاركة عبدالعزيز الخياري صادق الوعد سلمت على النقل الرائع وحسن الاختيار لمحاورة شاعرين من كبار الشعراء ........ الخطا وارد لكن أمن القريب أكبـر غبينـهمير مال الشر طب الا اجتثاثه من جذوره تقبل تحياتي

ابو دحيم ... مشكور على المرور

[صادق الوعد]

اخوي ,,,,,,, ناصر اشكرك على المرور

[بدر الحشية]

الف شكر على النقل الجميل ويعطيك العافية

[صادق الوعد]

اخوي ... بدر اشكرك على المرور

[فيصل الرشيدي]

ربي يوفقك

ويعطيك الف عافية على النقل

مشكور والى الامام وفقك الله يا صادق الوعد