[الكابتن]

اقتباس من مشاركة بحــ الخليج ــر الوقت هذا مايجينا على الكيف = ماهو زمان الخيل والرمح والسيف = تمرك الاحداث مثل العواصيف هذا الصحيح وقولوا اللي تقولون اليا متى وحنا نخاف من الليال المقبلات=حنا على موالنا والناس وصلت للقمر اربع تزوجهن على السنة وخمس مطلقات=ويحج عام وعام(ن)يصومه ماطافه لو شهر

يااللي تلوم الوقت محد ٍ يلومك = وأنا علومي ما تشابه علومك
إليا أنقدوك الصبح ضاقت هدومك =هذا الصحيح وقولوااللي تقولون
00000000000000000000000000000000000000

هذا الولد قلبه كبير ولا يهاب المعضلات = أنا أمتهول كيف لا هاالحين باقي منتحر
أثرك محصي عدة النسوان وأبو الأمهات =لكن يعيش ولا يتعودها ليا منه كبر

[الكابتن]

اقتباس من مشاركة بحــ الخليج ــر يامرحبا بالشاعر علي الهيفي عاش من شافك وحياك الله ولاهنت على المتابعة والله يعينا على الكابتن والله مو هين

والله يا بحر الخليج إنك شاعر جزل واللعب معك ممتع

وإنك تستاهل الإشادة واااااصل عساك على القوة

[بحــ الخليج ــر]

اقتباس من مشاركة الكابتن يااللي تلوم الوقت محد ٍ يلومك = وأنا علومي ما تشابه علومك إليا أنقدوك الصبح ضاقت هدومك =هذا الصحيح وقولوااللي تقولون هذا الولد قلبه كبير ولا يهاب المعضلات = أنا أمتهول كيف لا هاالحين باقي منتحر أثرك محصي عدة النسوان وأبو الأمهات =لكن يعيش ولا يتعودها ليا منه كبر

ياصاحبي حيرتني في مسيرك = اليا وصلتك رحت تشعب بعيرك = يالله عسى شرك يغطيه خيرك
هذا الصحيح وقولوا اللي تقولون

بعض العلوم اللي تخفيها بوجهك باينات=كيف انتحر ياصاحبي وانته بيدّي من عصر
تضحك على النسوان وان الباقيات الصالحات=من يجهل الايات لو ينشد عن الايه كشر

[الكابتن]

اقتباس من مشاركة بحــ الخليج ــر ياصاحبي حيرتني في مسيرك = اليا وصلتك رحت تشعب بعيرك = يالله عسى شرك يغطيه خيرك هذا الصحيح وقولوا اللي تقولون بعض العلوم اللي تخفيها بوجهك باينات=كيف انتحر ياصاحبي وانته بيدّي من عصر تضحك على النسوان وان الباقيات الصالحات=من يجهل الايات لو ينشد عن الايه كشر

ماتدري إن الحرب كره وفره = واللي جهلها موقفه ما يسره

والتجربه تنفعك لو كان مره =هذا الصحيح وقولوا اللي تقولون
000000000000000000000000000000000000

العلم واضح وأنت لتسوي معاي مناورات = لا لا تسولفها كذا واقول لك ضيقة صدر
عندك خطا يابحر في تفسير بعض المنزلات = لا يسمعك مفتي ديار المملكه تذبح هدر

[الكابتن]

تصبح على خير يابحر وصح لسانك شاعر جزل وعلومك جزله

الوقت ضايقنا أصبحنا وأصبح الملك لله

[بحــ الخليج ــر]

اقتباس من مشاركة الكابتن ماتدري إن الحرب كره وفره = واللي جهلها موقفه ما يسره والتجربه تنفعك لو كان مره =هذا الصحيح وقولوا اللي تقولون العلم واضح وأنت لتسوي معاي مناورات = لا لا تسولفها كذا واقول لك ضيقة صدر عندك خطا يابحر في تفسير بعض المنزلات = لا يسمعك مفتي ديار المملكه تذبح هدر

الحرب بين الفارسي والولايات = والا انا وياك سلم وسلامات = طيارتك يالكابتن بلا مطارات
هذا الصحيح وقولوا

البرق يبرق فوق راسك بالمزون المظلمات=عفشك غدا بالعايره وانته تحرى للمطر
مّره سياسي حرب واحيانا تجي لابس عاباة=تقول شيخ اسلام نازله على ديرة كفر

[بحــ الخليج ــر]

اقتباس من مشاركة الكابتن تصبح على خير يابحر وصح لسانك شاعر جزل وعلومك جزله الوقت ضايقنا أصبحنا وأصبح الملك لله

وانت من اهل الخير وصح لسانك وماعليك زود والله انه ماكان ودي باللعب ولكن جزالة بيوتك وطاروقك الطيب اجبرني على اللعب وبيض الله وجيه المتابعين والحاضرين والغايبين

[بحــ الخليج ــر]

اقتباس من مشاركة الكابتن والله يا بحر الخليج إنك شاعر جزل واللعب معك ممتع وإنك تستاهل الإشادة واااااصل عساك على القوة

ماعليك زود ياالكابتن الله يقويك