[بـنـ شيوخ ـت]

:!!:!:!:!:!:!!::::!!!!::!:!:!:!:!:!:!:!:!:::!:!!!! :::




أبشتهر غصبٍ عن خشوم الأنـذال
والله مـا قـد كـدرّوا يـوم بالـي

أبشتهر مـا دامنـي بنـت رجّـال
والله فـي تجريحهـم مـا أبـالـي

مـا عندهـم ألا تفاهـات وأقـوال
أجسام نـاسٍ لكـن العقـل خالـي

واجهت في دربي سخافـات عـذّال
يبغون ينهون الشعـر مـن خيالـي

إن كانهم سبعة عشر فيهـم هبـال
أنــا أبحرقـهـم وأزوّد هبـالـي

وأقول أنـا جهّـال جهّـال جهّـال
وإن كان ما يدرون قلبـي شمالـي

وأغيظهم وأهدم لهـم كـل الآمـال
اللي بنوهـا فـي مجـرّة مجالـي

وأمشي على فالي مع الناس واختال
وأسجّـل الأشعـار ويطيـب فالـي

شّيدت لي في قمـة المجـد تمثـال
يبقى على مـر الزمـن والليالـي

تكبر عليه أجيـال ويعلّـم أجيـال
ويشغل خيال اللي من الهـم سالـي

وإن كانها بالعم أو سيـرة الخـال
ترى (العتبااان ) هم عمامي خوالي

هم يحسبون إني لهم ( لعبة أطفال )
يا ويل حالي بس يـا ويـل حالـي

كم ناشبوني في المعاني والأمثـال
والشعر شعري والقصايـد حلالـي

ما عاد باقـي ألا أعبّـر هالأشكـال
بـدري عليهـم يفرحـون بزوالـي

ما حصلوا يمّـي ولا ربـع مدخـال
بنتٍ وأشـارك بالقصيـد المثالـي

ثوب وشنب وشماغ مع رزّة عقـال
ورشّة من العطر الجديـد الرجالـي

وألا الحقيقة كلهـا أزوال فـأزوال
أنـا بنيّـة واستلمهـم لحالـي !!

على حسابي ما يصيـرون أبطـال
بوطا عليهم وارفع الـراس عالـي

ما هم حلايا الزير أو عنتر الخـال
وما هم بعد مثل أبو زيـد الهلالـي

ولا لهم فـي ساحـة العـزّ مثقـال
رخيص مبداهـم ولا هـوب غالـي

لا من كتبت يجيهم الشعـر زلـزال
أرعبتهـم أليـن خافـوا ظـلالـي

وإن عاودوا الحيلة مع الوقت باحتال
وأقول يـا جـنّ القصايـد تعالـي

( ؟ ) ما خافـت ظـروف وأهـوال
ولا هزّها اللي من الخلايـق يلالـي


:!:!:!!



أتمنى تعجبكم ..



تحياتي ..

منقوول

الموضوع الأصلي: ابشتهر مدام اني بنت رجال .!.!.! | | الكاتب: بـنـ شيوخ ـت | | المصدر: شبكة بني عبس

[سعد المظيبري]

صح لسان الشاعره <<< وعلي ما اعتقد هذا قصيده بنت وايل

وشكرا علي النقل

[شــهـــد]

صـــح لــسانها ..،‘
.
.
يسلمو بنت شيوخ ع النقل ..،‘

[بنت العبسي]

.
:
صح لسانها

وتسلم يدينك ع النقل بالفعل قصيدة فآآآآآآآئقة الروعة
اعجبتني كثير كثير كثير الله يحميك ياغلاتي

:
.

[ابوفالح الشقردي]

صح لسانك وشكرا على القصيده