[غازي البراك]

السلام عليكم ورحمة الله وبركاته

اخواني هذه محاورة جرت بيني وبين الشاعر مطلق النومسي
مطلق من شعراء الخليج المعروفين شاعر محاوره وشاعر نظم
امل ان تنال على ستحسانكم

غازي البراك

يامرحبا بالرجال اللـي لفوللرجـال= ترحيبة يتعب الطرقي على شانهـا
يا نومسي يوم جالك في لقانامجال= العب وجـزل المعانـي فـك بيبانهـا

مطلق النومسي

دام البقاء من هجوسن ما تجيب الهزال =اعداد مـا غومـزت فـي روس حجانهـا
لاقـرب الحمـل قـرب للحمـول الجـمـال=وبقعاء اليا حضـرت مـا خلـت اخوانهـا

غازي

الله يديـم السـعـاده شــرق ولا شـمـال=وتبقى الجماعه سوى مايختلف شانها
ترى القمـر يطويـل العمـر يبـدا هـلال=وبعدين يكشف على الديـره وسكانهـا

مطلق النومسي

لايدخل الملعبه من ما معه راس مال=والخيل لاطبعت مـن طبـع فرسانهـا
يا صاحبي لاتضويها بـروح وتعـال =الغبـه الزارقـه مـا شفـت مرجانـهـا

غازي البراك

ان كان ودك تسافر فـي طريقـك جبـال=وبحـور تغرقـك يـا مسـافـر بجيلانـهـا
بعض العرب ماتريح في حسين الظلال=عـوذ مـن النفـس لايغويـك شيطانـهـا

مطلق النومسي

عليك غتره ملكيـه وصـوت اوعقـال=لكن مدري عـن الاخبـار وش شانهـا
ماشفت غير العوافي والسعه والعدال=والناس تمشي وخل النـاس بوطانهـا

غازي البراك

انا احمد الله كسبته من مكاسب حلال=ماجيت ابا حارس الخزنه وسرقانهـا
يا مطلق الناس تدري يوم شد الرحال=أنشد عن حصانك اللي صارنيشانهـا

مطلق النومسي

اثرك شكاك تضربها على كل جال=قالولي الخزنه انك صرت خزانهـا
اثرك منته بسيط وظارب لك مجال=ألله يقنـعـك بركـتـهـا وبستـانـهـا

غازي البراك

ما لحقني شك لكن جبت حسب السوال=نعلن عن السالفـه فـي حـزت اعلانهـا
كـم نيـة لـك مـع الشيبـان والا العـيـال=اعيـال عيـت تـطـاوع قــول شيبانـهـا

الموضوع الأصلي: محاورة غازي البراك ومطلق النومسي | | الكاتب: غازي البراك | | المصدر: شبكة بني عبس

[سعد الرشيدي]

انا احمد الله كسبته من مكاسب حلال ماجيت ابا حارس الخزنـه وسرقانهـا يا مطلق الناس تدري يوم شد الرحال أنشد عن حصانك اللـي صارنيشانهـا

بيض الله وجهك يابو يوسف وصح اللسانك

ولاهان الشاعر مطلق النومسي الشاعر المعروف

بصراحه محاورة رائعه بين عمالقة شعر لهم

جولات في بحور الشعر وميادينه

اخوك سعد

[ابوصالح]

بيض الله وجهك يابو يوسف وصح اللسانك

ولاهان الشاعر مطلق النومسي الشاعر المعروف

شكرك على ماتقدم من المحاورات الجزله التي تستحق الاشاده

وتقبل خالص اشكر وتقدير

[أنكسارحلم]

بعض العرب ماتريح في حسين الظلال=عـوذ مـن النفـس لايغـويـك شيطانـهـا

لله درك يابو يوسف على هذا البيت الجوهري

وهذا هو زبدة الكلام

شاعرين في قمة الابداع يتجولون بين النقض والفتل

تحياتي

[الاجهر]

عاشو عاشو

محاورة ممتعة

:p :p :p :p :p

[عبدالعزيز الخياري]

:p :p :p

صح لسانك يابويوسف وصح الله لسان الشاعر مطلق النومسي
محاورة سبق وان قرأتها وأعجبتني ... تحياتي لك.:p :p :p

[سلطان العايضي]

غازي البراك
صح لسانك ولسان الشاعر مطلق النومسي:p

وبكل صراحة فهي محاورة لها معانيها الجزلة وبين شاعرين من نجوم ساحة المحاورة الشعرية لاهنت على هذا الجهد الرائع وننتظر منك المزيد

[غازي البراك]

اقتباس من مشاركة سعد الرشيدي بيض الله وجهك يابو يوسف وصح اللسانك ولاهان الشاعر مطلق النومسي الشاعر المعروف بصراحه محاورة رائعه بين عمالقة شعر لهم جولات في بحور الشعر وميادينه اخوك سعد

صح بدنك
مشكور على مرورك وتعبيرك الوافي

مرورك يشرفني ويهمني يا سعد