[البرق الخاطف]

هذي قصيدة أخي وصديقي زلزال الرعود

يابـارق ٍ .مزنـه سـحـاب وهمالـيـل=نود الصبا ساكن .هوا الغرب ساقه
ظَـف الخيـال وبارقـه. بـاول اللـيـل=يشـرح صــدر مــن ضيقـنّـه نيـاقـه
بين الجذيب .وبين حمـر الغراميـل=ماكـن ألـه بأهـلـه. ولا لــه عـلاقـه
من خفقة المرزم أليا طلعة اسهيـل=ما ارتـاح بـال ولاثنـى عظـم ساقـه
اعلـم تـرا الجزعـه تهـز الرياجـيـل=واعلـم تـرا عيـب الرجـال الحماقـه
وســـع مـراحــك لـلـيـال المقـابـيـل=لاتمـوت عـاري وأنـت مافيـك فاقـه
جوّخ مـع الفرسـان بمطـارد الخيـل=لاصـار لريـاح الهـبـوب اصطفـاقـه
واشـرب مـن الدلـه ثـلاث الفناجيـل=واكسب قلـوب الخلـق.ذوق ولباقـه
وازرع رياحين المحبـه علـى النيـل=تثمروتحصد مـن شـذا العطـر باقـه
لاتنـحـدر مــع واد ٍ جـارفــه سـيــل=اترك هجيج الهجن واحضر سباقـه
وإذا بـلــوك اقليـلـيـن المـحـاصـيـل=ترا الردي من سعـد عينـك. افراقـه
شــرواك مايلـقـى عليـهـم مداخـيـل=لـكـان ذكــرى ياصـريـح الـصـداقـه

وهذا ردي عليه وإن شاء الله يعذرني عن التقصير

أخي وصديقي زلزال الرعود

ياراعد ٍ مزنه إلقاح ٍ محاميل=ياللي من المنشى صدوق ٍ حقاقه
هل المطر بديار ذباحة الحيل=اللي مجالسهم عليها الشفاقه
وجنب اديار مكثرت قال مع قيل=اللي على اهل الطيب عله وعاقه
واليوم يالزلزال جر المواويل=قلبي على شعرك يزيد اشتياقه
شعرك يشوق من يحب التعاليل=ومن صارع الايام والمر ذاقه
وقد قالها عيد بجميل التماثيل=البيت نفس البيت ستره ارواقه
ولاتنصح اللي جاري إله غرابيل=خل النصايح للردي والعلاقه
حنا بوقت ٍ فيه كل التهاويل=كبر بطون اهل العلوم الرقاقه
لقيت لي جيل ٍ تعشى لحم جيل=شف العراقي شغلته في عراقه
والراس لو جار الزمن مارجع ذيل=لو المنافق فيه كثر نفاقه
واللي يدور له دروب ومداخيل=خله يموت بحسرته واحتراقه
واسلم ياراع الطيب والبن والهيل=واحذر من يدور علينا اختراقه

اخوكم البرق الخاطف

الموضوع الأصلي: ردي على زلزال الرعود | | الكاتب: البرق الخاطف | | المصدر: شبكة بني عبس

[فيصل الرشيدي]

صوت وصدى ,,, بقمة الابداع ,,,

[بحــ الخليج ــر]

صح لسانك يالبرق الخاطف رد وافي من شاعر وافي صراحه ماجمل من الاولى الا الثانيه تقبل مروري

[عبداللطيف العايضي]

الله صح للسااانك يا البرق الخاطف أباااع من أول بيت إلى نهاية القصيدة رد جميل

تحياااااتي لك

[ناصر خنيفر]

اقتباس من مشاركة البرق الخاطف هذي قصيدة أخي وصديقي زلزال الرعود يابـارق ٍ .مزنـه سـحـاب وهمالـيـل=نود الصبا ساكن .هوا الغرب ساقه ظَـف الخيـال وبارقـه. بـاول اللـيـل=يشـرح صــدر مــن ضيقـنّـه نيـاقـه بين الجذيب .وبين حمـر الغراميـل=ماكـن ألـه بأهـلـه. ولا لــه عـلاقـه من خفقة المرزم أليا طلعة اسهيـل=ما ارتـاح بـال ولاثنـى عظـم ساقـه اعلـم تـرا الجزعـه تهـز الرياجـيـل=واعلـم تـرا عيـب الرجـال الحماقـه وســـع مـراحــك لـلـيـال المقـابـيـل=لاتمـوت عـاري وأنـت مافيـك فاقـه جوّخ مـع الفرسـان بمطـارد الخيـل=لاصـار لريـاح الهـبـوب اصطفـاقـه واشـرب مـن الدلـه ثـلاث الفناجيـل=واكسب قلـوب الخلـق.ذوق ولباقـه وازرع رياحين المحبـه علـى النيـل=تثمروتحصد مـن شـذا العطـر باقـه لاتنـحـدر مــع واد ٍ جـارفــه سـيــل=اترك هجيج الهجن واحضر سباقـه وإذا بـلــوك اقليـلـيـن المـحـاصـيـل=ترا الردي من سعـد عينـك. افراقـه شــرواك مايلـقـى عليـهـم مداخـيـل=لـكـان ذكــرى ياصـريـح الـصـداقـه وهذا ردي عليه وإن شاء الله يعذرني عن التقصير أخي وصديقي زلزال الرعود ياراعد ٍ مزنه إلقاح ٍ محاميل=ياللي من المنشى صدوق ٍ حقاقه هل المطر بديار ذباحة الحيل=اللي مجالسهم عليها الشفاقه وجنب اديار مكثرت قال مع قيل=اللي على اهل الطيب عله وعاقه واليوم يالزلزال جر المواويل=قلبي على شعرك يزيد اشتياقه شعرك يشوق من يحب التعاليل=ومن صارع الايام والمر ذاقه وقد قالها عيد بجميل التماثيل=البيت نفس البيت ستره ارواقه ولاتنصح اللي جاري إله غرابيل=خل النصايح للردي والعلاقه حنا بوقت ٍ فيه كل التهاويل=كبر بطون اهل العلوم الرقاقه لقيت لي جيل ٍ تعشى لحم جيل=شف العراقي شغلته في عراقه والراس لو جار الزمن مارجع ذيل=لو المنافق فيه كثر نفاقه واللي يدور له دروب ومداخيل=خله يموت بحسرته واحتراقه واسلم ياراع الطيب والبن والهيل=واحذر من يدور علينا اختراقه اخوكم البرق الخاطف

صحت السنتكم وسمحولي بهذه المجاراه البسيطه والمتواضعه

بسم الذي يحي العظام المساميل= مجري نفس صبحه وجالي غساقه
مرجع لمن قلت عليه المحاييل =لامه يوم ِ الله نوى في عتاقه
رفض رضاع الكل جمله وتفصيل= نفسه بما يعرض يزيد انغلاقه
ورده على امه بعد ذيك البهاذيل =وفرحت بشوفه ونبسط عقب فاقه
ورسا الجبال اوتاد للار ض لتميل=وساق السحاب اللي هواء النود ساقه
بسط وطا ارضه بين بيد ومساييل= بالتقان كل يسيرعرف ولياقه
من بعد هذا ياسريع المراسيل=عبر الفضا صصم تراسل مساقه
وصل سلامي يم من توفي الكيل=للبرق والزلزال نعم الرفاقه
وقلهم يقول اللي عرف جيل مع جيل=عاصر وله في كل وقت انطلاقه
لاتشغلون الفكر خلف المخابيل = الرجل مايركض ورى كل عاقه
الخبل من يرقد على سكت الريل =في فروته والريل قطع شناقه
والوقت يجري واليالي محابيل = والبحر بدو الناس تجهل عماقه

[زلزال الرعود]

صح لسانك يالشاعر البرق الخاطف رد رائع وقوي بيض الله وجهك
وصح لسانك ياعمدة على المجاره الاكثر من روعه
ومعاني تجربه بالخطوط العريضة
شكراً للجميع

[مرزوق العجوني]

صحت السنتكم جميع ولا هنتوا وتقبلوا مروري

[(فارس الرشيدي)]

صحت السنتكم جميع ولا هنتوا وتقبلوا مروري