[المجهول]

ياكثرهم .. لا قلت لك .. عرفة وجيه
وياقلـهـم .. لا قـلـت .. قــدر ومـعـزه
:
رجـلٍ .. تعـزه بعـد ماتلتـقـي .. فـيـه
ورجـلٍ .. قبـل ماتلتقـي بـه .. تـعـزه
:
ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجـالـس تــرزه
:
ورجلٍ .. يموت ولا يجيبـون طاريـه
ورجل ٍ .. يجي طاريـه فـي كـل حـزه
:
ورجلٍ يهزه .. بعض موقف ويشقيه
. ورجلٍ .. مهوب أيّات موقف يهـزه
:
ورجلٍ .. ضعيف .. ويستفزه معاديه
ورجـلٍ .. كـلام اعـداه .. مايستـفـزه
:
ورجلٍ .. تلزه يعترف لـك .. بخافيـه
ورجـلٍ .. علـى خافيـه .. محـدٍ يلـزه
:
ورجلٍ .. يوزونه .. ويزعـل بنيخيـه
ورجلٍ .. يزعّـل مـن يحـاول ، يـوزه
:
ورجلٍ .. تكـزه لا زم انـك .. توصيـه
ورجـلٍ .. بلـيّـا مــا توصـيـه .. كــزه
:
من لا فرش .. للمرجلـه .. ماتغطيـه
ومن لايخز .. النـاس .. محـدٍ يخـزه
:
ان كنت تعرفني فهي .. عرفة وجيه
مو شرط لك بالقلب قدر .. ومعـزه



/// خلف المشعان

الموضوع الأصلي: عرفة وجيه!! | | الكاتب: المجهول | | المصدر: شبكة بني عبس

[العريض]

اقتباس من مشاركة المجهول ياكثرهم .. لا قلت لك .. عرفة وجيه وياقلـهـم .. لا قـلـت .. قــدر ومـعـزه : رجـلٍ .. تعـزه بعـد ماتلتـقـي .. فـيـه ورجـلٍ .. قبـل ماتلتقـي بـه .. تـعـزه : ورجـلٍ .. تـرزه بالمجـالـس مبـاديـه ورجـلٍ .. فلوسـه بالمجـالـس تــرزه : ورجلٍ .. يموت ولا يجيبـون طاريـه ورجل ٍ .. يجي طاريـه فـي كـل حـزه : ورجلٍ يهزه .. بعض موقف ويشقيه . ورجلٍ .. مهوب أيّات موقف يهـزه : ورجلٍ .. ضعيف .. ويستفزه معاديه ورجـلٍ .. كـلام اعـداه .. مايستـفـزه : ورجلٍ .. تلزه يعترف لـك .. بخافيـه ورجـلٍ .. علـى خافيـه .. محـدٍ يلـزه : ورجلٍ .. يوزونه .. ويزعـل بنيخيـه ورجلٍ .. يزعّـل مـن يحـاول ، يـوزه : ورجلٍ .. تكـزه لا زم انـك .. توصيـه ورجـلٍ .. بلـيّـا مــا توصـيـه .. كــزه : من لا فرش .. للمرجلـه .. ماتغطيـه ومن لايخز .. النـاس .. محـدٍ يخـزه : ان كنت تعرفني فهي .. عرفة وجيه مو شرط لك بالقلب قدر .. ومعـزه /// خلف المشعان

صح لسان الشاعر خلف المشعان

اخي المجهول نقلك يدل على ذوقك

الراقي


لك اسمى ايات الشكر على نقل

هاللوحه الجميله


تقبل مني صافي الود وعاطر الورد

[مرزوق العجوني]

صح لسااان الشاعر ولا هنت اخوي المجهول على نقلك

[أإأنهيـار قمـه]

بيض الله وجهك على النقل الرائع وصح السان خلف المشعان