[شآعر طرطنقي]

شاعر طرطنقي

مرحبا ترحيبة ن وزنها وزن ن ثقيل=في محل الطيب والمرجله دستورها
ليت بن حيان للحمل ذى ليله يشيـل=حملة ن مازيها فالزمن وعصورهـا

ابن حيان

البقابك عد ماذكرت اعجاز النخيل=ردتاً ترجح بها الكفه وحنجورها
ليت ولا عل هذا ماينفي مستحيل=والجباير فالخطا مانجح دكتورها

شاعر طرطنقي

شفت بن حيان عينه على القمه تخيـل=مير عينه قدمنا اليـوم طافـي نورهـا
دام انا وانته على ملعب اخضر مستطيل=ان دبلت اللعب يا رجل خذها فورهـا

ابن حيان

معجزة موسى عليه السلام اكبر دليل=ضل فرعون اوغوى المعجزه وامورها
صدرك امثلث وزاويته اقصاها قليـل=مابغيت اقرب من الزاويه وسطورهـا

شاعر طرطنقي

لا تحسب الشعر فنجال هيل وزنجبيل=شاور العقال يمكن يفيـدك شورهـا
السوالف ظنتي ماوراهـا الا الفتيـل=والجنايز مالها الا يا كـود اقبورهـا

ابن حيان

لا تعلمني ونا كد لقيت الليـل ليـل=مير خذها قسمتاً في حلو ق اصقورها
الجنازه فالنعش وركبوها فوق فيـل=مد خرطومه وسد اللحـد منجورهـا

شاعر طرطنقي

ماني امعلمك لكن تـرا ليلـك طويـل=نقطة التفتيش صعب ن عليك اعبورها
من يقول ان الجدي يشبه ابطيبه سهيل=اعور ن غاطس بددسن بوسط ابحورها

ابن حيان

ابصير اصم وبكم عن علوم الهبيـل=والقرون الزايده غاطيتها شعورهـا
الجدي والسهيل ماله شبيه اولا مثيل=راعي السنبوك حول على بابورهـا

الموضوع الأصلي: ابن حيان وشاعر طرطنقي | | الكاتب: شآعر طرطنقي | | المصدر: شبكة بني عبس

[بحــ الخليج ــر]

محاورة جميله بين شاعرين مميزين يعطيكم العافيه

[ابن حيان]

شاعر طرطنقي شكراً على التنسيق ووجهك ابيض والتحيه

[سعد الفلاح]

صح أللسانك ياطرطنقي والله منت ابسيط لا لازم ناخذ معك طاروق هههههههههههه

وصح اللسان ابن حيان وانا من متابعينه بشكل دائم ومن جمهوره

مودتي