[عبد الرحمن خضير]

عبدالرحمن:

يامرحبا فيك ياشاعر زمان قديم=واليوم تصعب عليك ولا انت ويالها
انا ادري انك فهيم ولايعلم فهيم=خل الخيول الاصايل عند خيالها

خليف بن دواس:

فيك البقا يالنديم اللي يعرف النديم=والناس تدري بطيبها وبطالها
انا ادري انك حكيم في محل الحكيم=تبا تجول المدينه قبل مدخالها

عبدالرحمن::

لو نشعل النار في قوع الحطب والهشيم=تلقا اهل الخير ماترتاح باعمالها
اهل المدينه ومكه مايبون القصيم=الاخطاة البداه اللي على جمالها

خليف بن دواس::

لو كل رجل مع اهل العرف يمشي سليم=تلقى هل الخير ماتعتاش بجبالها
ماعندك الا الخصيم اللي يضيم الخصيم=ولا انته من اهل البداه ولا انت هبالها

عبدالرحمن::

يالله يالي على خلقه غفور رحيم=تشفي عقول العباد وتصلح احوالها
اسمع كلام النشاما وخل شور الحريم=لاتخري اذنيك ياخليف وتصاغى لها

خليف بن دواس::

انته معي صاحيٍ ولاانت مازلت نيم=حنا هل الديره اللي نحمي جبالها
مانته من اهل المعارك وانت فيها غشيم=الدله اللي بلشت بسوق فنجالها

عبدالرحمن::

اعلمك بالربيع وتنتظر للحميم=الله واكبر يابعض الناس واخبالها
صار السما صحو ولا صار في الجو غيم=سنع سوالفك لا تضحك وتشتالها

خليف بن دواس:

الله يلعنك يابليس اللعين الرجيم=البدو بلشت بمنزلها ومرحالها

الموضوع الأصلي: محاوره بين الشاعر عبدالرحمن خضير والشاعر خليف بن دواس | | الكاتب: عبد الرحمن خضير | | المصدر: شبكة بني عبس

[فيصل الرشيدي]

صح لسانك

صح لسان ابن دواس

لاهنت على النقل وفقك الله

[سعد الشقل]

صح اللسانك ومحاوره رائعه

ونطمع بالمزيد والجديد


يعطيك الف عافيه على المحاوره والوافيه

[عبد الرحمن خضير]

(( فيصل)) (( سعد الشقل ))

مشكورين أخواني على المرور وكل عام وانتم بصحه وسلامه***

[ابوعبدالله الشويلعي]

أخوي عبدالرحمن صح لسانك
وصح لسان الشاعر الاخر ويضاء الله وجيهكم








تقبلوا تحياتي أبو عبدالله الشويلعي

[عبد الرحمن خضير]

ابو عبدالله لاهنت على مرورك

وتقبل تحيات اخووك ابو متعـــــــــــب

[عبدالعزيز الخياري]

الله الله يابو متعب

صح لسانك ولسان الشاعر خليف بن دواس

[عبد الرحمن خضير]

عــــــــــبد العزيز الخـــيارٍي مشكور اخوي على مرورك لاهنــــــــــت ياشاعر القادم للساحه بقووه