[سيف عبس]

{شاطيء هاف مون}

يااللي تحرى للعذر حقك على قشر الظنون=من عادتي لأزعلت أحد ما أخايل لسحايبه
ماأحد زعل مني سوا اللي لازعلوا يستاهلون=منقصة قدر الخوي خصم الوجيه الغايبه
لاجيتهم قالوا هلا وهم بقفاي يقطعون=وإن سولفوا قالوا فلان وكثروا معايبه
وألا الخوي اللي على اليمنى لا والله مايهون=عوني على مصايبي...عنده على مصايبه
أحشم خويي بالقبال وأغبن ولا يصير مغبون=وإن غاب عني بأحتميه وأسده بنوايبه
<ومن قالوا الصدفة أخير من ألف ميعاد يهبون=لا والله أحيانآ تفسد للقلوب التايبه>
مثل ما جابت واحد شفته بشاطيء هاف مون=يمشي خلاف أمه وأبوه وتتبعه حبايبه
عزالله إنه ردني عقب العقل لأقصى الجنون=وخلاني أنادي عليه:يأبو شفايف ذايبه!
إرحم جريح مأرحمه حظه ولأرحمته فتون=هاك العنود اللي ثلاث سنين عني غايبه
في قصة ماتت وأبو فندي شهدها بالعيون=يوم إن أبو شايم يقول النفس ماهي طايبه
وتبسم يبين ورى الشفة مصاغير السنون=ودخلت في غيبوبته وإيدي نوت ترايبه
وقربت بوزانه وأساليب المجنن يفضحون=نسيت من حماقتي إنه ورى أمه وشايبه
جنيت لي ذنب عليه وحط تذكاره طعون=وأعدم خشوعي بالصلاة ولاعقل ذهايبه
قعد على عيوني يعرض والعباد يروكعون=مأشوف غير عيونه الخرس وشقر ذوايبه
حتى فتح لإبليس باب بقلبن أم الخاشعون=وصارت وساويس أخو مره وحده من سبايبه
وخلت القرين يقول<ربنا لاتواخذنا فإنا مخطيئون>=قلت أركد!الأمور إذا ماالله سترها عايبه.

يوسف بن شلاح

الموضوع الأصلي: (شاطيء هاف مون) جديد يوسف بن شلاح | | الكاتب: سيف عبس | | المصدر: شبكة بني عبس

[مرزوق العجوني]

صح لسانه على الرائعه ولا هنت على نقلها لنا تقبل تقديري

[عاشق الصحراء]

لاهنت ياخوي سيف بني عبس على نقل القصيدة
وشكرااااااااااااااااااااااا

[سيف عبس]

العفوووووووووووووووووووووووووووووووووووووووووووووو

[سيف عبس]

العفوووووووووووووووووووووووووووووووووووووووووووووو

[بنت العبسي]

.

:

قصيدة رااااااااااااائعة صح لسان قايلها

وسلم الله يدين ناقلها

:

.

[سيف عبس]

لا هنت يأبو رباح

[سيف عبس]

اقتباس من مشاركة بنت العبسي . : قصيدة رااااااااااااائعة صح لسان قايلها وسلم الله يدين ناقلها : .

مرورك عطر الصفحة.

تحياتي