[z7z7]

يابحر فيني من الحزن كثر مافيك=
وغرايب من حزن وأوجاع وغياب لاتلومني إليا شفتني دايم أجيك=
ولاشفتني دايم على الشط ذايب=
حزني كبير أكبر من حدود شاطيك=
وأقسى من جروح الزمن العطايب=
وإن كان تنشدني فأنا مقدر أخفيك=
دايم أظن ويطلع الظن خايب=
في هالزمن أقرب حبايبك يشقيك=
إلين تدفع في غلاه الضرايب=
من بعد هذا يبتعد عنك ويجفيك=
ماكنه بجنبك قضى الوقت طايب=
وإلا الخوي اللي توقعت يجفيك=
يفديك عمره لا غدت بك نشايب=
صد وتصدد مايبي سمع طاريك=
وياما أنت دونه أتعبتك الطلايب=
لاتقول لي بدري وتوك ويمديك=
وتعال وأسمع باقي الهرج صايب=
خلك بحالك واطلب الرب يهديك=
ولاتنشد اللي غاب وين أنت غايب؟=
وإن شفتني غايب عن حدود شاطيك=
أعرف تراني تحت ذيك النصايب=
وأعرف تراني دايم إن ضقت بجيك=
لاني أنا والموج صرنا حبايب.

الموضوع الأصلي: يابحر فيني من الحزن | | الكاتب: z7z7 | | المصدر: شبكة بني عبس

[غاليه]

صح السانك ولسان قايلها
لأهنت
أشكرك أخوي
z7z7

[عاشق الصحراء]

صح لسانك ياخوي z7z7 ولاهنت مع التحية

[z7z7]

اقتباس من مشاركة أنجيد صح السانك ولسان قايلها لأهنت أشكرك أخوي z7z7

صح بدنك والعفو مسوينا شي

تحياتي لك

[z7z7]

اقتباس من مشاركة الغريب@ صح لسانك ياخوي z7z7 ولاهنت مع التحية

صح بدنك اخوي الغريب ولاهان قاريها

[z7z7]

اقتباس من مشاركة الغريب@ صح لسانك ياخوي z7z7 ولاهنت مع التحية

صح بدنك اخوي الغريب ولاهان قاريها تحياتي لك اخوك z7z7