[بروفسور الشعر]

صبرنا على الغربه وبعد الاهل والدار
وياكم غريب ن مثلنا شايل همه
نوايا المولع بين جمره وشعلة نار
تواقد بجوفه لين مايحترق دمه
اب اجلس على البيبان واناجي الاشجار
لاعل الشجر يحضن فوادي ويلتمه
سكون الظلام وحشة اليل فيها أسرار
تجي تتعب الأفكار وتشيلني يمه
تلاعب بي الأفكار والعب على الأفكار
اصير الغريب اللي شقى الوقت ماهمه
اروح ارجع التلفاز واشغل الأخبار
واشوف الطفل مجروح ويصيح يأيمه
عرب مثل رأس الضأن تنحاش للجزار
هذا شايلن جرحه وذا نازفن دمه
وش السالفة مدري وش الحل ياهل الدار
نبي حل للعربان يامجلس القمه

الموضوع الأصلي: صبرنا على الغربه وبعد الاهل والدار | | الكاتب: بروفسور الشعر | | المصدر: شبكة بني عبس

[كبرياء امراة]

طرح رائع
صح لسانك
والله يفرجها ع كل المسلمين
تستاهل التقييم

[بروفسور الشعر]

صح بدنك
لاهنتي شكرا لك
على حسن التقييم

[بهلول المهبول]

تبي الحل تعال غنا مع حقين المحاورة وخلهم يتحاربون ومجلس الامه مادرا عنك ههه

مير قيمني طال عمرك وانا ابقيمك الله يطول عمرك

وصح لسانك

[بروفسور الشعر]

طال عمرك وصح بدنك
لاهنت على مرورك العذب

[حمامة عربية]

من أروع ما قرات، ولله يابروفسور أتقنت ترجمة المشاعر الدامعة بالأسى و الأنين حماك الله يارفيع الشأن...و هي بإذن الله تسير و الله المستعان و المسلم مهما طالت الجراح بقلبه يبقى عزيزا بشهادته ليوم الدين بعزة الإسلام و الصبر الجميل....دمت بألف خير.

[المشعل]

ابدعت


صح الساااانك واعتلا شانك

ولاهنت بروفسور دايما مبدع ..

تحياتي لك ..

[بروفسور الشعر]

اقتباس من مشاركة حمامة عربية من أروع ما قرات، ولله يابروفسور أتقنت ترجمة المشاعر الدامعة بالأسى و الأنين حماك الله يارفيع الشأن...و هي بإذن الله تسير و الله المستعان و المسلم مهما طالت الجراح بقلبه يبقى عزيزا بشهادته ليوم الدين بعزة الإسلام و الصبر الجميل....دمت بألف خير.

شكرا لك على هذ الكلام الطيب والله يحمي بلادنا من كل مكروه

تحياتي اختي العزيزه