[المعزب]

خويي خويي عقب طول الغياب يعود= وانا بقدرة الخلاق ناوي على العوده
على الديره الي تحضن اهل الوفا والجود=على ترابها مدفون جدي مع جدوده
خويي على خط التواصل معي موجود=على الخطه الي قبل لايروح معقوده
تغانم شبابك قبل لاتصير بكره عود=تجاعيد وجهه بيناتاً على خدوده
يطول الطريق وينقطع وصله الممدود=عن الديره الي شف باله ومقصوده
صبرنا على الغربه ثلاثين عام وزود=تهادر مواترنا على خط ساموده
عملنا دوام الشفت والراتب المحدود=واجازاتنا مع بعد الاوطان محدوده
ضروف الحياة وقسمة الواحد المعبود=قضينا شباب العمر بالشرق وحدوده
على العز والتقدير ماهو على المنقود=وفينا مع اهل الطيب كلاً ومجهوده
عشقنا الليال البيض بين الليال السود=لو الجو ماهو جو لبنان والسوده
هوانا سمو انفوسنا غاية المقصود=على كثر مانعاني نحافض على الجوده
ولا تهزنا فوق البيسطه هبوب النود=لو الذود مابين اللجيه ومفروده
ثنينا عقال الحر للموقف المشهود=قصرنا عن حدود الحما لله قيوده
حدتنا عن الموت الحمر كلمة المنقود=لو النفس من ماشافت العين ملهوده

الموضوع الأصلي: هنا هنا ياغريب الدار ؟ | | الكاتب: المعزب | | المصدر: شبكة بني عبس

[كبرياء امراة]

صح لسانك

عووافي ع روعة الطرح

[راسبه بالحب]

صح السانك


ابيات مميزه

[منصور عبيد]

صح الله لسانك ولله درك
مبدع وتروي ذائقة كل ذواق

[بروفسور الشعر]

صح السانك وبيض الله وجهك

[المعزب]

اقتباس من مشاركة كبرياء امراة صح لسانك عووافي ع روعة الطرح

لاهنتي على المرور الاروع

[المعزب]

اقتباس من مشاركة راسبه بالحب صح السانك ابيات مميزه

صح الله بدنك

المميز مرورك

[المعزب]

اقتباس من مشاركة منصور عبيد صح الله لسانك ولله درك مبدع وتروي ذائقة كل ذواق

هلا ابو عبيد

صح الله بدنك ولا هنت