[الشاعر صقر رازح]

الربح والمجموع

غلاك الي سكن روحي سقيته شوق لك ودمـوع
========= وهـبته روح مـا تـهـدئ بنـار الشـوق ملتـاعـه
رسمته حـلم في عيني هـديته ورد لك وشمـوع
========هجرت الهجر من طبعه وصلت الوصـل باطباعه

خذيته موج من عينك على شط الهـوى مـدفـوع
======== سـرقـتـه لـيـل من كحـلك فلقته صبح بإشعـاعـه
شعرته حب لـه نشوه ولـه رجـفـه تهـز ضلوع
======== ولـه فــزه ولـه نـخـوه لضـيـق الـحـال نـزّاعـه

مطر ورعود من ناوك تلاها بـرق لك وسـطـوع
========شروق الشمس من ثغر وخــدك ورد بــانـواعـه
ألا يـابحـر يـا نسـمـة ألا يـا عـشـقي الممنـوع
======== ألا يـا بسـمـة العـاشـق ألا يـا بـلـسم أوجـاعـه

أناهمسك أنا صمتك أنا نبض الغلا المسموع
======= انا الماضي انا الحاضر وباقي العمر و اوضاعـه
أنا زهـرك انا زرعك انا الزارع وانا المزروع
======= زرعت الحب في عمرك و عمري بـذر مـزراعه

دواء روحي من جروحي خفايا نبضي الموجوع
======== فؤادي سـري الخافي بحـور العشق و شـراعـه
جمعـت حسابي الليله وكـان الـربح والمجمـوع
======== رموش عيونك الكحلاء ضمّارالعـمر واطماعـه
وأنـا راضي بكنز العين مابي غيرها مـرجـوع
========ثراء فاحش لو إني بس ضمنتك ملك لي ساعه


صقر رازح

الموضوع الأصلي: الربح والمجموع ...صقر رازح | | الكاتب: الشاعر صقر رازح | | المصدر: شبكة بني عبس

[غيوض الرشيدي]

صح السانك

حروف مميزه لاعدمنا نزف قلمك

[ساري الغدرا]

صح لسانك
وياهلا ويامرحبابك

[بروفسور الشعر]

صح السان


شكرا للك