[النمر1012]

لكل من مر من هنا او قراء حرف من حروف هذه المدونه ومن لم يستطع قراء تها
لعدم معرفه بتواجدها كل عام وأنتم بخير عاده علينا وعليكم بالخير وصحه

[النمر1012]

من غبت والناس كن نفوسها قشرا
ألطفهم اللي كسر روحي وهلابي
يامرحبا وان لفيت وصادفك غدرا
عزاي بانك تميزني عن القابي
الجرح يبرى لو ان الوقت ...مايبرى
شف وقتي اللي خذلني ويش سوى بي !!
والجاهل اللي يبينا نفترق وازرى
اللي قصر عن سماي يعود لترابي
أكتبك سيل(ن) يجي له فالورق مجرى
وليا كتبتك ...نبت فالطرس غيّابي
تدري بلاش ...اكتبتك ...والناس ماتقرا
يكفيني انك اعز واطهر احبابي

[النمر1012]

لاتعتذر مني ترى العذر مرفوض
مالك عذر لو كان غيرك عذرته
قدرك عليّه حق وارضاك مفروض
وغلاك من بين الحنايا قبرته
ماودي ابْحر معك في العلم واخوض
اخاف لاذكر شي ماقد ذكرته
بيني وبينك سر غالي ومحفوض
وقصر الوفاء بيني وبينك عمرته
وانا على رفقتك فائز ومحضوض
وورد الوفاء على مكانك نثرته
اللي علاقتهم بلاكذب وعروض
يبقى الغلا من بينهم زاد كرته

[النمر1012]

بين الكلام وبين تحليل الافكار
وبين الحقيقه والخيال وحروفك
حبيت توصلك المبادي بالاشعار
واشرح لك اوضاعي بزحمة ظروفك
الوصل مني سر من ضمن الاسرار
اعشق وصالك وامتنع عن كسوفك
ماهمني بعدك ولا آلاف الامتار
بس المهم القلب يفرح بشوفك
ولاهمني لو دونك الليل بتار
لاني عشقت الطعن باحلى سيوفك
لاني بصدق بداخل الروح لك ثار
بركان من فيض المشاعر يحوفك
ولاني انا ياسيد العشق ماحتار
لاجيت احدد رغبتي مع وصوفك
لاجلك اسوق الشعر وابدل الدار
واسكن مع القمرى وانادي خسوفك
هذا بعض من فيض عشقك والابحار
في بحرك العاتي ولمست كفوفك
ياوردة الدنيا عسى القلب بالنار
ان كان فكر يبتعد عن طيوفك

[النمر1012]

الصبح ياهيه دونك مايسمى صباح
مادام ناقص ضيا وزهور فل وعبير
انته بصبح الغرام الشمس وانت الفلاح
ولاجلك بسير المسافه لو يطول المسير
ولرضاك والله لازيد الارصده فالكفاح
وأمشي مع الدرب وأرقى في سمايه وأطير
بسمتك ياهيه تشرح فاقد الانشراح
ماكنها الا بشير الخير عند البشير

[النمر1012]

مكسبي في هالحياه وراس مالي
معرفة شرواك و حقوق الصداقه
الصداقه تعتبر صراف ألي
و الوفاء بين الرجال أهو البطاقه
و أنت عندي ياخوي الجنب غالي
و من غلاك اليوم أنا بهديك باقه
باقتن ماهي بتشرى بالريالي
من بحور الشعر وفداخل نطاقه
كان تنشد ياخويي كيف حالي
عايشن مابين باب وبين طاقه

[النمر1012]

يا منوة القلب الحزين ومتاعه
يا غايته يا رغبته بالخوندات
قلبٍ يودك يا دعج العين راعه
ترا المحبه والغلا بالمراعات
مركب غلانا قام يطرخ اشراعه
وسط البحور الشاسعات الغزيرات
الصبر مالي فيه عنك استطاعه
اما تجي ولا قطعنا المسافات
العمر فرصه وانت شوفك اطماعه
ساعة لقا ننسا بها كل ما فات
يرتاح قلبٍ طاري الشوق لاعه
ويبدل ايام الشقا بالمسرات

[النمر1012]

لا توجه لي رسائل ترى القرائي فيه
يفهم المضمون من كل حرف (ن) تكتبه
ايه ثم ايه ايه ثم ايه ثم ايه ايه و ايه
وضعنا مكشوف يا صاحبي مير انتبه
لاكتبت الحرف في جملتك خلك نبيه
اعربه ثم علله علله ثم اعربه
لين يبلش كل متطفل وبدري عليه
يفهم ارموز النغم في لحون المطربه
بس أنا بعاتبك ليه ليش وليش ليه
يومك اتبعد غريق الهوى وتقربه
ساعة (ن) يفهم من اسلوبك انك ماتبيه
وساعة من كاس عذب الغرام اتشربه
أه ويلي منه و أه أه يا ويلي عليه
مير حال البعد من دون داره واعربه
والله اني عند عهدي وعهدي بحتميه
كلمت الرجال لاقالها مثل اشنبه
لاكن انت اللي عليك انتبه خلك نبيه
انته ثم انتبه و انتبه ثم انتبه