[ناصر خنيفر]

استلم الله يسلم الجميع

طاف شهرين مالاحت بروق السحابه = ولاعرفت السبب ولوسم زلت حتونه
هل ماحسني عباد ربه درابه = او نساه وتجاهل مثل من يجهلونه

الموضوع الأصلي: مطلوب راس عبد الباري بن عبدالعزيز اومن ينوب عنه | | الكاتب: ناصر خنيفر | | المصدر: شبكة بني عبس

[مبارك الشويلع]

السلام عليكم


كيفك يالعمده والله اني مشتاق لك

الله يستر عنوان الموضوع خرعني

فقلت اشوف وش الموضوع بس الحمد لله طلعت محاوره

ههههههههههه


المهم ننتظر جديدك الجزل المفيد ياعم

بالتوفيق يابو تركي لك وفالك الجنه

[ناصر خنيفر]

اقتباس من مشاركة ابوعبدالله السلام عليكم كيفك يالعمده والله اني مشتاق لك الله يستر عنوان الموضوع خرعني فقلت اشوف وش الموضوع بس الحمد لله طلعت محاوره ههههههههههه المهم ننتظر جديدك الجزل المفيد ياعم بالتوفيق يابو تركي لك وفالك الجنه

اشكرك دعوه طيبه من وجه طيب مشكور يابو عبد الله وخلك قريب تمسك الصف اذا الله جاب من هالنشاما احد

[ناصر خنيفر]

تصبحون على خير

[العقاد]

وين الشعرى مافيه منهم احد

[المقوعي]

اقتباس من مشاركة ناصر خنيفر استلم الله يسلم الجميع طاف شهرين مالاحت بروق السحابه = ولاعرفت السبب ولوسم زلت حتونه هل ماحسني عباد ربه درابه = او نساه وتجاهل مثل من يجهلونه

مرحبا يا العمدة

يشرفني انا العب معك نيابةً عن اخي عبد الباري

خلوووووووووووووووووووووووها

المزن ساقه الله يوم امر به وجابه=فوقكم نوض برقه والرعد تسمعونه
عن جزيل المعاني جيتكم بالنيابة=المقوعي وصل واظنكم تعرفونه

[ناصر خنيفر]

اقتباس من مشاركة المقوعي مرحبا يا العمدة يشرفني انا العب معك نيابةً عن اخي عبد الباري خلوووووووووووووووووووووووها المزن ساقه الله يوم امر به وجابه=فوقكم نوض برقه والرعد تسمعونه عن جزيل المعاني جيتكم بالنيابة=المقوعي وصل واظنكم تعرفونه

طيب طيب

مرحبا في عميلن ماحسبنا حسابه= ولاعرفناه لين انه بداء في لحونه
نسمع الاسم هذا بين رجمن وغابه= بالكتابه ولاهو شاعرن يذكرونه

[المقوعي]

اقتباس من مشاركة ناصر خنيفر طيب طيب مرحبا في عميلن ماحسبنا حسابه= ولاعرفناه لين انه بداء في لحونه نسمع الاسم هذا بين رجمن وغابه= بالكتابه ولاهو شاعرن يذكرونه

يا سلام


يا سلام

والبقا ابشايبن ما ينعرف في شبابه=بعد ما شاب راس العود فتّح عيونه
المقوعي علم معروف كلن يهابه=قد وصل منزل(ن) ما ظنكم تاصلونه