[صعصعة]

اقتباس من مشاركة ناصر خنيفر ‏محمدالعجلان, ‏مطنوخ عبس, ‏ابو شرق, ‏ابوتوتو الله يمسي ذا الوجيه بالخير

الله يمسيك بالنور
يا ابوتركي
علامك تغيب ولا تتغلى علينا هههههههه

[محمدالعجلان]

الله يحيي الجميع وابرك الساعات
واللعب معك ياناصر شرف

[ناصر خنيفر]

يامحمد العجلان وشبك تخفيت= وانا فرحت بشوفتك يالسنافي
هو ليه ماكملت يوم انت مريت= والرجل لابين مايرجع خلافي
ولا دفعت رساله وقلتلي كيت= وقلت السبب في جيتك ونصرافي
اما كذا فيها مشكه اليا اقفيت= من دون عذريصير بعض التجافي

[ناصر خنيفر]

اقتباس من مشاركة مطنوخ عبس الله يمسيك بالنور يا ابوتركي علامك تغيب ولا تتغلى علينا هههههههه

لوكان تدري عن غيابي يابن عبس= ماتلومني لو غبت انا خمسة اعوام
انا حصلي يافتى ماقفن ضبس= يعلم به اللي عالمن غيب الارحام

[محمدالعجلان]

ياناصر خنيفر حشا ماتتقت=مثل الجبل فوق البسيطه يشافي
مير انتظر لحظات ياذايع الصيت=ويبن لك ماكان فالصدر خافي
ياما يحماي التوالي تحريت=شوفتك جعله مايجيك الخلافي
لكن مدري ليه ياناصر ابطيت=بشر عساها يالرشيدي عوافي

[محمدالعجلان]

ياناصر انا رديت على بيتينك الله يسلمك
لكن الظاهر بنردها نظم

[ناصر خنيفر]

اقتباس من مشاركة محمدالعجلان انا اشهد انه ماينوشه لاملام ولاعتاب=لكن ترى الرجال فى الوقت الشحيح يصير ذيب اللي يعد الحق ياناصر له اجر وله ثواب=لكن عد الحق مثلي ياراعا الراي المصيب

علي الحرام انك شاعر بلوى

انته كلامك به تناقض فيه مدحن وانقلاب= وعلم التناقض ماتمشونه على الرجل البيب
الحق في هذا الزمن يشبه لجون به ضباب= ماحد يقوله غير مانهو خاف من ربن رقيب

[ناصر خنيفر]

ارجو من الشعار المتواجدين تشجيع الشعار حتى يكون عند الشاعر حماس