ضــع اعــلانك هنا

خالد بن دحيم

مساكم الله بالخير جميع

اخواني هذي اول مشاركه لي عن طريق المنتديات واتشرف ان يكون اول نشر لي بمنتدى قبيلتي

ياااااويلي....لاحل الغروب ابحراويه=وقفاه ليلن قام يلعن نهاره
ومن الضحى وبداخلي حزن كانيه=حزنن يغني فيني ويطق طاره
حزين....حزن اللي تحضن ابغاليه=حل الوداع يودعه في مطاره
يطلبه لايطول اغيابه ويرجيه=مايدري انه مو اموعد ادياره
جداه بانه يذرف دموع عينه=يصيح متحسر...ومامن بشاره
ومن الحزن...وجدي على شي مابيه=ابكي وانا مونس لهيب الحراره
اتمر قلبي كل ذكرى تمسيه=ومايمسي الا يوقد الحزن ناره
عليك...ياللي كل ما بلتفت فيه=كني بليهن مايميز لاشاره
انظر بوجهه...واخذ اشوي واتيه=اللي عيوني من حلاته سكاره
غرون مدلع....سعد من صافح ايديه=يبقى على طول الزمن في طهاره
رااااح....وتركني في مكانن يناديه=مع السلامه ماطراها....خساره
خلاني متوسد بجرحي ومركيه= على صبر لو زاد فيني عواره
خلاني يم الشوق اسابق خطاويه=واقبل على بيته وقبل اجداره
خلاني ليومن تبرت تواليه=من شي بيسبب لقلبي دماره
خلالي اصوره وعطره وماضيه=وخليت له قلبي وجرحه وثاره
الله....يا هاك المكان ولياليه=يوم انتواجه به وحنا سهاره
يوم الزمن يكتب...وحنا نمليه=احلامنا اللي ما حفظها ...حقاره
اليوم ماغيري يمره وياتيه=يا قطع كبدي يوم بنفض اغباره
الحظ راقد ما لقى من يصحيه= شكواي لله يا فهيم العباره
كن الزمن شايب يردد حزاويه= وكني طفل يوحيه تاره بتاره
يااااويلي...لاحل الغروب ابحراويه=وقفاه ليلن قام يلعن نهاره

اخوكم: خالد بن دحيم

الموضوع الأصلي: ياااااويلي | | الكاتب: خالد بن دحيم | | المصدر: شبكة بني عبس