[السيف القاطع]

اقتباس من مشاركة مروان الرشيدي الله الله صح ألسنتكم السيف والسنحاني متابع

الرحب تراحيب المطر حياك يامروان

[السنحاني]

تعديل
لو تهل ادموع عينك ماتهل ادموع عيني

[السيف القاطع]

انت اساليبك جميله ريح هيل وزعفراني =بس حظي لادعيته لايبيك ولا يبيني=

الحقايق كل ماتارد خفايا السر باني =وانت من تحت الخفايا بين زين وبين شيني=

[السنحاني]

انت لو تقرا على طول الشهر سبع المثاني = فيه فرقٍ في التعامل واضحٍ بينك وبيني
لو تذكرنا زمان الرمح وسروج الحصاني = يوم كنت بكل ركعه من صلاتك تتقيني

[السيف القاطع]

الصحيح اللي قريته مايغير في مكاني=لو تحاول با الكلام وتستعين بشاهديني=

مانت ربن نتقيك ان كان لك قلب ولساني=سجل حروفك ولاتشرك برب العالميني=

[السنحاني]

صح لسانك

العرب تمشي طليقه ونت تشبه للسجيني = تعرف اني ياجْوِدي ماسرت بالدرب الهويني
رحمة الله واسعه لاكن ماعندك ضماني = اطلب الله من سواليفك ونيتك يحميني

[السنحاني]

اعكس البيت الاول شكلي جيت بالعيد هههههههههههه

تعرف اني يجودي ماسرت بدروب الهواني = العرب تمشي طليقه ونت تشبه للسجيني
رحمة الله واسعه لاكن ماعندك ضماني = اطلب الله من سواليفك ونيتك يحميني

[السنحاني]

لاتلوم المبتدي ضاع في القوافي ههههههههه