[أنفاس الفجر]

غنيت .. ياخلي من الشووق .. غنيت
خل العرب .. عن حبكم .. يسمعوني !

علّهم .. يدرون عني .. < وياااليت >
عن دارك الي تسكنه .. يوصفوني !!

والله لاجيلك .. ( حامل الود ) للبيت

واروي ضمااا قلبي ولهفة عيوني

[النمر1012]

يضحكني غلا البترول ويزعلني غلا الاسعار
ومشافيح التجاره مـا بهـم للنـاس ماويـه
اعيش ابمملكة بلقيس ومسور علـي اسـوار
على اكبر كنز با العالم ولا املك شي بيديـه

[أنفاس الفجر]

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

[النمر1012]

والمشكله لو صار ماصار واخطيت
اخلق عذر واحزن بعد لاحزنتي

[المقبل]

يآرب ترحمني ليآ قيل من رآق
.............لآصرت مآعآد آستطيع أبلع آلريق

لاجا الوعد وألتفـّت الساق بالساق
...........وأتلى الكلام الغرغره والتشاهيق

يالله عسانا يوم نشفات الأرياق
.............أنا وقاري هالابيات من المعاتيق

[سحايب]

إذا كان(العقل)نعمه ترى بعض الجنون إبـــــــداع..
وإذا كان الكلام(أسلوب)ترى هالصمت(أعجوبـه)!!

كثير من الكلام اللي نقوله بحجة(الإقـــــــــناع)..
مجرّد أمثله وأفكـــــــــــــــــار مسموعه ومكتوبه!!

تعب منها العقل وأعْيا(صدى تكرارها)الأســـماع..
وملّتها القلوب اللي فتنها الصمـــــــت بإسلوبه!!

[خياااله]

وين الطريق اللي يودي لقيـاك
طالت خطاوي البعد بينك وبينـي
والله لأشيل الحمل ضعفين لأرضاك
عسى يمينك مـا تفـارق يمينـي

[هذيان]

موحِشه كل الأماكن تشعِل بقلبي ( حنين )
....................ما بقى شِبر وتجمّد من برود الأمكنه

مهربي صار -التوحّد- لجل ما همّي يبين
....................ما أحب أشكي لغيره ذاك بس استضمنه

ما بقى من بعد م اقفى شيّ بأيآمي ثمين
....................كل رغباتي تغيب وكل ( حلم ) استهونه

وين أخبّي ما بقى من /لوعة الحزن الدفين
....................وين أودّي قلب فاقد قلب كان يطمّنه ؟!

مشكِله ياذا /الغياب اللّي مع حضورك يحين
....................موعد احزاني وتصبح في شعوري ديدنه

وسط محرابي دعيت وقلت : ياربي تزين
....................ارتميت بظلّ وآحد ( ما يخيِّب مأمّنه )