[ولــد خــلف]

قصيده بمناسبــة فوز الزعيـم سعـــود المــاطــر العــايضـــي

واقل شــيء نستطيع ان نقدمــه لهذا الرجــــل العــظيم ،
....

سلام يارمز الكرم والمواجيب=سلام ماقبله وبعده سلامــا
سلام ماخلى من الطيبه طيب=سلام به ريح النفل والخزامــا
لـنادر اللي هقوتك فيه ماتخيب=جامع علوم المرجله والنشامــا
اللي بشوفه يصدقن المطاليب=وناصيه أبد بذمتي مايضامــا
راع الوضح والشقح شيخ المعازيب=تلقى الدلال مقنداتن حشامــا
كلن يهلي فيك مع عنبر وطيب=وريح الدخون يجول وسط الخيامــا
مافيه لاشكه ولافيه تكذيب=ماهو كلام مزخرفين الكلامــا
حنا نماريبك زحول الأجانيب=تبقى لنا ياسعود تاج ووسامــا
مثلتنا من بين عكف الأشانيب=ورفعت راية عبس وسط الزحامــا
واحد وتكفي عن جميع الأقاريب=يعني لقينا من يسد اللزامــا
كفو ودايم مصدر الذيب من ذيب=ابوك قبلك يارفيع المقامــا
متوارثه من دون خمنن ولا ريب=والصقر لايمكن يخلف حمامــا
لو قلت أمير قليله بس مانيب=قايل لأنك تستحق الزعامــا
زعيم واللي ينكر الحق ماجيب=غصبن على الحساد وأهل الملامــا
وانا ترى جيتك ولاودي أغيب=لان الرشيدي لرشيدي حزامــا
تستاهل الفزعه وتستاهل الطيب=وتستاهل العنوه علي الحرامــا
وعساك دايم فوق مايلحقك عيب=وتقبلوا ماقلت انا بالختامــا
وقد قيل ذيب ولا عوى جاوبه ذيب=(.. دام الرشيدي لرشيدي حزامــا ..)

عايد بن خلف الرشيدي

الموضوع الأصلي: قصيده بمناســبة فوز الزعيــم سعود الماطـر العايضي ... | | الكاتب: ولــد خــلف | | المصدر: شبكة بني عبس

[الاجهر]

صح السانك وعلاء شانك وبن ماطر يستاهل المدح

[حــزام]

بيض الله وجهك اخوي ولد خلف
وصح السانك والشيخ سعود العايضي شرفنا والله يوفقة
لاخلا ولاعدم

[خلف العايضي]

ولد خلف


صح السانك على هذا الأبداع . . . .


سعود الماطر يستاهل المدح . . . . وجهك ابيض يالغالـــــــــي ولاهي غريبه على ابو سطام مواقفه النبيله


تقبل التحية والتقدير

[عادل العويمري]

صح لسانك ويستاهل الماطر كل خير

تقبل تحيتي لك

[سعد الخياري]

صح لسانك ويستاهل الماطر

[خليف الوهيداني]

صح لسانك

يابن خلف عزالله انها جزله وشامخه

وليس غريب منك الجزاله

لك احترامي

[مرزوق العجوني]

صح لسانك ياشاعرنا ولا هنت على الرائعه وسعود يستاهل كل خير وتقبل مروري