[الشاطئ المهجور]

غيبتك لو هي دقيقه تعتبر صدّه ../..الوقت دونك سجن وغيابك اسياجه

لا تعتذر لي ترى ماعاد في شدّه../..اعيد حكي ٍ يكود الصدر مخراجه

دامه يوصف بجود ابيك وبجدّه../..وشلون تبخل على المجروح بعلاجه؟

ووشلون قاوااك قلبك رده وصدّه../..مع انه بيـّن عليه الضعف والحاجه

ياقو قلبك برد ايمينك وردّه../..بخلت بمصافحه وارهيت بحراجه

لو ماسقى غيم عينه جرهدي خدّه../..تراه يبكي وقلبه يلحق اخلاجه

ولو شفته يمازحك تراه من جدّه../..الضحك عن درب ضيق الصدر ماعاجه

غير الغلا والوله عليك وش حدّه ../..يادرب ليله ويامسراه وسراجه

كنـّه يعرفك قبل يلقاك من مدّه../..مع ان مابينك وما بينه امواجه

هواك بدو ٍ نووا للقلب بالشدّه../..ورياض قلبي لشوف البدو محتاجه

والوصل..بحر ٍ متى انت بتسمح ابمدّه../..السيف صبري وبحرك شح بامواجه

قصيدي اللي قريته واللي اعدّه../..قديم لا يزعلك معناه واخراجه

وفراغ قلبي غلاك ارهى على سدّه../..ليتك تشوف الغلا وابراجه وعاجه

اقوى رياح العذل ما تقدر تهدّه../..والا الجفا لو تنفس هدم ابراجه

تغانم الوصل لن البعد لابدّه../..ياتيك في يوم ثم ياخذك بادراجه

اللي لي انك تلين وتترك الشدّه../..واللي لك اني ما سولف بك لهراجه

ولاني بزعلان واللي نرتجي مدّه../..يا باب قلبي ويا قفله ومزلاجه

زعلة تغلي ومن تزعله من قدّه../..ما دام كل ٍ يبي دربك ومنهاجه

غالي وتبخل علي وتطـّول الصدّه../..الله يسامح غلاك ويلعن الحاجه...


يقال منقول ... صح لسان شاعرهااااااا

الموضوع الأصلي: الله يسامح غلاك ويلعن الحاجه | | الكاتب: الشاطئ المهجور | | المصدر: شبكة بني عبس

[تعبت منك]

مشكوووووور والله يعطيك الف عافيه

[خياااله]

وي وي وي وي وي روووووعه
صح لسانك يالمري,,,,
وتسلم اخووي الشاطئ على هالذوووق الحلوو,,

[الشاطئ المهجور]

اقتباس من مشاركة عايد عواد مشكوووووور والله يعطيك الف عافيه

يسلمؤؤؤؤ ع المرور العذب

تحيتي لك

[ابـومـتعب]

مشكوووووور والله يعطيك الف عافيه

[الزعيم..]

الله الله درر هالابياتـ ..

صح الله بوحكـ يالشاطي

[آلنجم]

وفراغ قلبي غلاك ارهى على سدّه../..ليتك تشوف الغلا وابراجه وعاجه

سلمت

[الشاطئ المهجور]

يعطيك العافيه ع المرور العذب

تحيتي لكـــــــــــــم جميع