[عبدالله عوجان]

شوقي لحايــل شدّني للكتابه=وازدادت أشواقــــي لدار الشمالي
وامسيت أخايل برق نوّ السحابه=وفضفضت لأوراقي حديث إرتحالي
بالقلب شايــــل للعروس الصبابه=وإلها بخفاقـــــــي غرامٍ خيالي
أنشد وأسايــل وأتحرّى الإجابه=وعجزت لا لاقــــي جواب لسؤالي
مانيب قايــــــل وين حضرة جنابه=بقول وش باقــي لذيك الليالي
الهم زايـــــــــل والوصل ينهقابه=وإن طوّل إفراقـي بلاقي وصالي
ياغصن مايــــل منثني وسط غابه=يتهيّض الساقــي إلى أثمر ومالي
ورد الخمايـــــل وأنت فيكم تشابه=ياسيد عشاقــي وروحي وحالي
وإن كان حايـل تستحق الكتابه=أنتي ندى أوراقي من أول لتالي

الشاعر
عبدالله عوجان

الموضوع الأصلي: ((( حائل ))) | | الكاتب: عبدالله عوجان | | المصدر: شبكة بني عبس

[المسافر]

صح الله للسان الشاعر
عبدالله عوجان0000000000000000000

والى مزيد من الابداع000

[بدر نوران]

.
.


العوجان



صح لسانكـ .. ولاهنت




تحيتي لكـ



اخوكـ

[عيد بن عبيد]

جبتها على الجرح

ابدعت بالوصف ... ولكن نقضت الجرح
تستاهل حائل الوصف الهائل
وشوقك يستاهل الغلا
مشكوووووووووو شاعر الشباب وووووووووور

لا خلا ولا عدم
تحياتي

[ابوعبدالله الشويلعي]

وإن كـان حـايـل تستـحـق الكتـابـه=أنتـي نـدى أوراقـي مـن أول لتالـي

صح لسانك اخوي عبدالله عوجان على هذه القصيدة واتمنى منك نشر المزيد من قصائدك









تقبلوا تحياتي أبو عبدالله الشويلعي

[بدر الحشية]

صح الله لسانك وابدعت في الوصف
بانتظار ابداعاتك

[عبدالله عوجان]

اقتباس من مشاركة المسافر صح الله للسان الشاعر عبدالله عوجان0000000000000000000 والى مزيد من الابداع000

أخي المسافر
صح بدنك
اشكرك على المرور والتعليق

[مبارك الشويلع]

صح الله لسانك ولاهنت


جزله من راس جزل


ننتظر المزيد من الابدااع