[ولدعبس]

ابوك يذبح للنشاما مفاطــــيح
وانتي بعينك تذبحين النشاما




















ذراي وصلك والعدو هبت الريح
يالي تركتيني جريح السـهاما

لالا يهمك قول عـــاذل وتجريح
أليا مررتي به فقولي سلاماا

كم عود من زينك يبي يقوم ويطيح
غدا سوات الطفل قبل الــــــفطاماااا

ويمكن يطلق حرمته وسده يبيح
ويصد عن دعوات حسن الختاما

وش عاد انا ياريحة الفل والشيح
لابالله الا دهــــن عود وخزاماااااا

وان كان عن حالي ترا بوصلك منيح
لكن في غيبتك جافي المناماااااا

في داخلي صرخه ولكن مااصيح
من خوف يضحك بي ردي الانامااا

اصبر ولو في داخلي نار او فيح
واضحك بوجهه ياعساااه الهداماااا

ردي مادام الوضع يلزمه تصحيح
ومادامك الغايه وانا لك مراماااا

انتي ترا اكبر من قصيده وتصريح
وجمالك ابلغ من بليغ الكلامااا

خلاص بختمها ببيتن و توضيح
مسبوق به بينت خوف الملاما


للشاعر
عمر سعد القرني





اعجبتني القصيده كثير

صح لسان قايلها

الموضوع الأصلي: ابوك يذبح للنشاما مفاطــــيح وانتي بعينك تذبحين النشاما | | الكاتب: ولدعبس | | المصدر: شبكة بني عبس

[بن هادي الرشيدي]

لا هنت على النقل يا ولد عبس. وصح الله لسان شاعرها.

[سحايب]

صح الســـان القرني
وسلمت يمناك على مانقلت

[((همس المشاعر )]

مشكوووووووور على النقل
لاهنت