[بنت السلاطين]

أضحكّها أبكّيها أزعّلها بدون أسبَاب !
بدُون أسباب أزعّلها عشان أرجع و أراضيها

أسهّرها أنوّمها أصحّيها برضا و عتابْ
أطمّنها بغلآ و أرجع أجنّنها و أبكّيها

أدلّعها أولّعها أقابلها ببرُود أعصاب
إذا ضاقَت أجي طاير عليها لجل أسلّيها

اعللها أخوّفها أقُول الجن عند الباب
وٌأذا خافَت أنوّمها على صدري و أغطّيها

[بنت السلاطين]

أدري منَالِك صَعب يَ درّه الخلقْ
و أدري بِك لـ غيري و أشوفِك تحبَّه

لكنْ ذا قَلبي و ذي غصَّة الحَلقْ
ما أقدَر على كبّك و لا أقدَر أكبَّه

دربِك زَلق رجلي و أنا مَا أعرف الزّلقْ
طبعْ الثّقل ويّاكْ شِفني أذبّه

لا شِفتِك معدّي وراكْ أنطلقْ طَلق
و إن قِلت خير أقولْ عفوًا مشبّه

و أنا عليكْ أمُوتْ و أستَاهل الفَلقْ
مريضْ يبغَى طِب ما هو بطبَّه

محسوبِك اللي طاحْ مَع وجهه الطّلقْ
سلبتَه إحساسَه و شوفَه و لبّه

عَن غيرك مِن النّاسْ لي خافقٍ غَلقْ
يبطي و لا غيرِك حبيبي يطبَّه

و لو يَملك الإنسَانْ قدرَه على الخلقْ
خَلقت لي إنسَان مِثلك أحبَّه

[بنت السلاطين]

كل عام وانتي تقهرين الصبايا
وكل عام وانتي بالحكاوي هدفهم

الله يعين قلوبهم ي غلايا !
بالعيد فستانك بيلعن [ جدفهم ]



: p

[بنت السلاطين]

نكسر عناد الخفوق ونجبر الخاطر
كله لعين المهاة الجادل الطرقا

اخاف لااغلط عليها غلطة الشاطر
تلقابها عذر وتعزم على الفرقا

[بنت السلاطين]

ذكراه واقع تعبت اشوفها ذكرى
احس حتى الجفا منّه مهو لايق

ليته جرحني وجعل الجرح مايبرى
ولا رحل منجرح منّي ومتضايق

[بنت السلاطين]

جفيتني فجأه وأنا كنت شاريك !
وخيبت هقواتي كذا دون سِبّه

ما أذكر إني مزعلك لجل أراضيك
الظآهر " الهجرآن " دلوك دربه

إذا كذا الموضوع ربي يهنيك
الدنيا هذي تآخذ اللي نحبه

ودعتك الله يابعد روح مغليك
قلبي نهر جاري وتعرف مصبه

ماعاد صوتي الصبح والله يصحيك
حاول تقوم الصبح على " المُنبه "

[بنت السلاطين]

المريض يدوّر اصحابه المرضى
لا يجي قدام عيني و يشغلني

ان زعل من كلمة الحق لا يرضى
وان رضى لا عاد اشوفه مقابلني

[بنت السلاطين]

ماهوب يردعني من البعد رادع
الاّ ، الم ما يشرح و ما يدوّن

في كلّ مره .. لا نويت الموادع
تبكي وأنا مقفي وأعوّد وأهوّن !