[هداج تيما]

اقتباس من مشاركة الفيلسوووف اشهدانه كفو والمرجله كفوله=بالشعر والمرجله كل علمه وافي من يعقد الحبل بالوقت ثم يحله=مانقول الا ترى الرجل هذا سنافي

واحليل اللي شرى صن ما دِبله=يحسب انه بين الاجواد ما ينشافي
انقض افتل وافتل انقض وفتل وفله=غصب والا نصب بالربع والانصافي

[هداج تيما]

اشرب لبن مراعي كامل الدسم وترقد

لكن اعتقد الديبان ما تشرب لبن ههههههههههههههههه

[ابو حشر]

السلام عليكم
بصف الفيلسوف وهداج

[هداج تيما]

وعليكم السلام ورحمة الله وبركاته يا ابو حشر

ولا هنت طال عمرك على توحيد الصف

[الفيلسوووف]

اقتباس من مشاركة هداج تيما واحليل اللي شرى صن ما دِبله=يحسب انه بين الاجواد ما ينشافي انقض افتل وافتل انقض وفتل وفله=غصب والا نصب بالربع والانصافي

شي مانت بفاهمه ياعميلي خله=انتبه لاتمشي الدرب وانته حافي
نفتل وننقض وعلمك نعرفه كله=يوم مانفهمك منته ترى صيافي

[اخو عبده]

سرى الليل ياشعار صح السنتكم وانا بصف الفيلسووف

[هداج تيما]

اقتباس من مشاركة الفيلسوووف شي مانت بفاهمه ياعميلي خله=انتبه لاتمشي الدرب وانته حافي نفتل وننقض وعلمك نعرفه كله=يوم مانفهمك منته ترى صيافي

فاتح باب الغبا من ذكا للشله=لا تحسب اني عن اللي تقوله غافي

ما انت فاهمني من البرد والا المله=خابرك مقدام من عادتك ماتخافي

[الذئب سرحان]

الله الله طاروق كايف عاشو عاشو بصف الجميع