[البرمكي]

اقتباس من مشاركة ناصر خنيفر ملاحظه في حال تعادل الدرجات وعلى سبيل المثال نقول عشرون طالب كلهم حصلو على الدرجه الكبرى اي 30 نشوف راي الجنه اما يحطون بالقرعه او توضع لهم اختبارات جديده ويصنفون من جديد

كلام في محله من نجحو وتعادلت درجاتهم وهم اكثر من عشره يعادون لتصفيه وتوجه لهم سولات تعجيزيه ونادرة الوجود من اقوال الاباء ولاجداد القداما

[ابوصالح لرشيدي]

السلام عليكم ورحمة الله وبركاته
44_ابوصالح الرشيدي..
س1 صميدعي؟؟ س2 يعس؟؟ س3 مقعّطل ؟؟
ج1- الشجاع ...

ج2- يستكشف أو يستطلع ..

ج3- كسول..

الدرجة المعزب :.( )
الدرجة العمده:. ( )
الدرجة ابوعلي:. ( )
===========================

[ابوصالح لرشيدي]

اترتيب عليه كم الدرجه يالمعلمين ...
وبعدي السوال الاوال ذكرني بصديق العمده القديم صميدع راس الله يذكره بالخير ..
كانها بالشعر والا كانها يد وحلوقي=ناصر خنيفر شجيع وفوق ذلك شاعر

والله ذكرته وحبيت اجدد ماضيه
نبغي ليا من بدّل الدار بديار=وعقب البطا كلٍ تذكر وليفه
كلٍ تذكر ما جراله وما صار=وكلٍ تذكر ما جراله من عريفه
لابدها ترجع تواريخ وأذكار=وتبقى لدسمين الشوارب وظيفه

[بن مشيلح]

اقتباس من مشاركة ناصر خنيفر الهمام يالربع انا وراي سفر

كلمة عرص يختلف معناها من بلد الي بلد اما عندنا باجزيره العربيه تعني الرجال طويل الاقامه النشيط \ كلمة عكروك تعني الرجال الذكي عندنا في نجد \ كلمة صعصيص يعني الرجال الشجاع
والذكي جدا يعني بالمعني ماتخدعه باي حال من الاحوال

مع الاسف لم تجاوب صح الا على سوال وحد

راسب وعليك مراجعه ابو مشاري لتعليمك كلمات الابا والاجداد القديمه

[المعزب]

اقتباس من مشاركة ناصر خنيفر ملاحظه في حال تعادل الدرجات وعلى سبيل المثال نقول عشرون طالب كلهم حصلو على الدرجه الكبرى اي 30 نشوف راي الجنه اما يحطون بالقرعه او توضع لهم اختبارات جديده ويصنفون من جديد

ياسلام يابو تركي على الخبره المعاصره هههههههههه

[بن مشيلح]

اقتباس من مشاركة بن مشيلح كلمة عرص يختلف معناها من بلد الي بلد اما عندنا باجزيره العربيه تعني الرجال طويل الاقامه النشيط \ كلمة عكروت تعني الرجال الذكي عندنا في نجد \ كلمة صعصيع يعني الرجال الشجاع والذكي جدا يعني بالمعني ماتخدعه باي حال من الاحوال

وششششكرا لك ياعمدة

[المعزب]

اقتباس من مشاركة ابوصالح لرشيدي السلام عليكم ورحمة الله وبركاته 44_ابوصالح الرشيدي.. س1 صميدعي؟؟ س2 يعس؟؟ س3 مقعّطل ؟؟ ج1- الشجاع ... ج2- يستكشف أو يستطلع .. ج3- كسول.. الدرجة المعزب :.( 10) الدرجة العمده:. ( 10) الدرجة ابوعلي:. ( 10) ===========================

ابو تركي هذا يصلح عندنا بالاداره لتخطيط الجداول هههههه

[المعزب]

اقتباس من مشاركة ابوصالح لرشيدي اترتيب عليه كم الدرجه يالمعلمين ... وبعدي السوال الاوال ذكرني بصديق العمده القديم صميدع راس الله يذكره بالخير .. كانها بالشعر والا كانها يد وحلوقي=ناصر خنيفر شجيع وفوق ذلك شاعر والله ذكرته وحبيت اجدد ماضيه نبغي ليا من بدّل الدار بديار=وعقب البطا كلٍ تذكر وليفه كلٍ تذكر ما جراله وما صار=وكلٍ تذكر ما جراله من عريفه لابدها ترجع تواريخ وأذكار=وتبقى لدسمين الشوارب وظيفه

ابو صالح مارايح تمشي حركاتك على المدرسين؟

وابو تركي عرص والله ماتحركه المداعبه خصوصاً بالامتحانات ههههههه