[سحايب]

للحزن بوجيـه المساكيـن ساحـات==تنطق لو ان الصمت هيمن على البوح

بسكاتهم تسمـع للاوجـاع صرخـات==وبنطقهم تلمـح علامـات وجـروح

يحكون لكن حكيهم ما لـه أصـوات==حتى ولا صوتٍ من الحزن مبحـوح

يبكـون دم وينـزفـون ابتسـامـات==لوكان دم الوجـه مخفـي ومفضـوح

في نهجهم هات أقبلت وادبرت هـات==وان أملوا ما بالافق عـارض يلـوح

لويقـدرون يترجـمـون المعـانـاة==قالوا . . لو ان القول ماهو بسمـوح

أوراقنـا غصَـت بكثـر الكتـابـات==من كثر شرحاً مالقى صدر مشـروح

نظلـم ولا نعلـم ونحلـم بوقـفـات==في محكمة شرعاً به العـدل مذبـوح

نحتاج وقفة من وقف خمس الاوقـات==لحظة خشوع الروح مع خالق الروح

لو الوفـا بالوجـه يتـرك علامـات==كم وجه شخصاً بالردى كـان ملفـوح

( شف هاليدين الطاهـرات العفيفـات==اللي تمد الطيب من غيـر مصلـوح

صارت ملاعـق للبطـون الخبيثـات==اللي تعـج بريحـة المكـر وتفـوح

الله ياليـت للكوالـيـس شـاشـات==ونشوف ما خلف الكواليس بوضوح )

أحدٍ يحـب الـذات ويعيـش لـذّات==واحدٍ عن اللـذات بالـذات مكبـوح

من مات واسمه حيّ مامات لو مـات==ومن مات ذكره مات لو كان به روح

قل للعيـون اللـي يديهـا قصيـرات==درب الأمل له بـاب مـازال مفتـوح

الموضوع الأصلي: أوراقــنــا غــصَــت بـكـثــر الـكـتـابـات | | الكاتب: سحايب | | المصدر: شبكة بني عبس

[أمـــير بـكلمتي]

صح لسنان شاعرها

الله يعطيك العافيه

[سحايب]

اقتباس من مشاركة أمـــير بـكلمتي صح لسنان شاعرها الله يعطيك العافيه

صح بدنك وعافك ربي يامير
مشكورعلى مرورك

[احمد منيف]

صح الله لسـان شاعرها مشكوره اختي ع النقل

[سحايب]

اقتباس من مشاركة احمد منيف صح الله لسـان شاعرها مشكوره اختي ع النقل

صح بدنك مشكورعلى المرور

[غربة الروح !!]

الله ع ذوووقك يالغااليه وربي روووعه

صح أحساااااسك ع هالاختياااار الراااائع دموووعه

تقبلي مروووي

[رسام الغروب]

سلمت يداك على النقل الرائع اسمحيلي ابدي اعجابي بقلمك وتميزك واسلوبك الراقي وتالقك

[سحايب]

اقتباس من مشاركة عذبة الأطبآع !! الله ع ذوووقك يالغااليه وربي روووعه صح أحساااااسك ع هالاختياااار الراااائع دموووعه تقبلي مروووي

صح بدنك ومشكوره على مرورك