[عبدالله عوجان]

إلى شاعرنا المخضرم حامد زيدان أزفّ هذه القصيدة المتواضعة والتي أتمنى أن تليق بشموخه ومقامه

[poem=font="arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على مرأى من أسياد الأدب والشعر والقيفان=بقول اللي إلى كنّيتها لابدّ ما أبديها
قصيدة تحترق بالصدر من مدة من التحنان=تمنّى تبدو لْدنيا الشعر بأقوى معانيها
قصيدة ما كتبت أبياتها بالزور والبهتان=كتبت أبياتها والصدق ينطقها ويحكيها
يابو فوزان ذا بوح المشاعر ينهمر جذلان=على صفحات طرس الشعر يكتبها لقاريها
قريتك بين طيّات الورق شعر وْفرح وأحزان=كتبتك سالفة تحكي مآثرها لياليها
سمعتك من ترانيم البلابل بأعذب الألحان=إلى قامت بعذب الصوت تشدو منك أغانيها
على صوت البيوت اللي صداها ياصل العربان=نعيش أفراحها وأحزانها داخل قوافيها
قطعنا باليقين الشكّ وأخترنا أجمل الأوزان=وغنّينا مواويلٍ جماهيرك تغنّيها
عرفنا إنّ الشعر معنى وقاف وْفكرة وْعنوان=وتأكدنا إنّك العنوان بالدنيا وما فيها
تغطرس من تواضعك القصايد والشعر يزدان=وْتصاحبها إلى حدّ النجوم وْلا توطّيها
تركت إلنا من الدانات والمحّار والمرجان=قصص تبقى على طول المدى الأجيال ترويها
إلى جاء ذكر للأشعار يبقى حامد الزيدان=حديثٍ للمجالس من بدايتها لتاليها
لك الإحسان والإحسان ما يجزى بغير إحسان=وْشهادة منك ما أدوّر بدلها وأنت راعيها
منحت أغلى وثيقة لي بتاريخي مدى الأزمان=وثيقة بفتخر فيها طوال الوقت وأغليها
طلبتك من جديدات الفرايد تروي العطشان=لينهل من غزارة منهلك والكبد يرويها
أخيراً لك يابو فوزان كلّ الشكر والعرفان=من اللي قد تأثّر بالفرايد وبْمعانيها
[/poem]عبدالله عوجان

الموضوع الأصلي: حامد زيدان | | الكاتب: عبدالله عوجان | | المصدر: شبكة بني عبس

[سند الداموك]

صح لسانك وأعتلى شأنك 00 قصيده راائعه وحامد يستاهل

تحياتي

[ناصر الرشيدي]

صح لسانك وافيه القصيده

وابو فوزان يستحق المدح والإشاده بشعره

صح لسانك مرّه ثانيه الى مالا عدد صح لسانك

[عايد2001]

تركـت إلنـا مـن الدانـات والمحّـار والمـرجـان قصص تبقى على طول المدى الأجيال ترويهـا

صح السانك وعتلا شانك
وابو فوزان يستاهل
وبيض الله وجهك ياابو عوجان

[عـمـر بن فـايـد]

صح السانك ولا هنت .. انت طيب وهو يستاهل


تقبل مروري

[عازف الاحزان]

صح لسانك واعتلا شانك
ومشكوررروالله يعطيك الف عافية
وبأنتظار جديدك فلاتحرمنا منة

[فهيد الشويلعي]

صح اللسانك يابوعوجان
حامد يستاهل
ولاهي غريبه عليك

[KAKA]

قصيدة جزله من شاعر جزل ويستحق الكتابة الشاعر الكبير حامد زيدان
عبدالله عوجان انت مفكر وايضا انت مبدع وايضا موجود اكسترا شعريا