[حامد الحنيفان]

وعدتني يالقرم وعد الرياجيل = والرجل يمسك من كلام اللساني
ماجيت أنا غير الرجال الحلاحيل = خليت انا ولد الردي والهداني
نصيتها الي يعرف العدل والميل = لضاقت الدنيا وضاق المكاني
ابن دويله يوم جبت التماثيل = أن طاب وأن ماطاب كبوة حصاني
شاعر جراله في زمانه بهاذيل = خلى النجوم الا سهيل اليماني
والرزق عند اللي يجيب الهماليل = اللي فرض حجه وصوم رمضاني
منزل سورة تبارك مع الفيل = اللي رفع سبع وسبع طماني
سامع دبيب النمل في عتمة الليل = اللي يبدل سيته بالحساني
يفرج لنا وقت الليالي المقابيل = ماهو عطايا فلان والا فلاني
والا البشر ماغير قال ورا قيل = ياكثر دور الحسد في هالزماني
والوقت هذا وقت جمع المحاصيل = هايط تراك أترز بالمهرجاني
ودبك مع العالم على دبكة الخيل = مثل ماقالوا خيلها ياأشقراني
والصح صح ولو يغطى بتضليل = اليا صار عارف خطة الامتحاني
شرهه ولالي من ورا الحط والشيل = ولا أروغ فيها روغة الثعلباني
نجيبها حد السيوف المصاقيل = وعيب انتخفى عقب صرنا بياني
قلو هل النخوه هل البن والهيل = ساس الرجال معربين المجاني
اللي اليا صكت عليك المحابيل = يرسون مرسى السف وسط المواني
ماهو ورا الشهره سوات المهابيل = دارين من يخلق على الارض فاني
لا جاهم العاني يهلون به حيل = ريفن على اللي من زمانه يعاني
وتمت بذكر اللي خلق جيل من جيل = الواحد المعبود معطي الحساني

الموضوع الأصلي: مهداه/ للمهندس/ مباررك الدويله | | الكاتب: حامد الحنيفان | | المصدر: شبكة بني عبس

[عبدالله معزي]

حامد الحنيفان
دائما رائع
قصيده جزله

[احمد منيف]

الله يعطيك العافيه { كفيت ووفيت } لاهنت اخووووي :)

[محمد بن فـايد]

تمنيت لو شاعرنا حامد الحنيفان ركز شوي على كتابتها

[عبدالله معزي]

اقتباس من مشاركة محمد بن فـايد تمنيت لو شاعرنا حامد الحنيفان ركز شوي على كتابتها

لاخ محمد بن فايد
مااشوف اية ملاحضة على القصيده بالعكس وافيه وكافيه
ياليت توضح ملاحضاتك