[قلب اسكتلندي]

اشهد بالله انك شمالي يابن عطا
بيض الله وجهك على التوضيح
بس ما زال عندي تحفظ على الجيتي هههههههههههه

دمت بود
بوفهد

[بن عطا]

اشهد بالله انك شمالي يابن عطا بيض الله وجهك على التوضيح بس ما زال عندي تحفظ على الجيتي هههههههههههه

ووجهك ابيض يابو فهد

والاختلاف بوجهات النظر لايفسد للود قضيه

فلكل منا اجتهاده وتحليله ووجهة نظره

دمت بخير يالغالي

[بنت أبوهــا]

اقتباس من مشاركة قلب اسكتلندي اما الحمية ما تعرف الا عندك انت وربعك

؟؟؟؟؟؟؟؟؟؟؟؟؟؟؟؟

شفيهم ربعه ؟؟ تر ى كل اللي هني رشايدة وربعه

والحمية اللي مو عاجبتك هي اللي خلتك تسوي عشا عشان الدويلة شفيك ؟؟

وكلنا نفتخر بالحمية على بعض كما افتخر فيها الرسول صلى الله عليه وسلم

لما وقف وقال : أنا النبي لا كذب أنا ابن عبد المطلب

واذا على الحلف ترى ياسر الحبيب حالف قبله !! عين خير بس ولا تصير عاطفي

[قلب اسكتلندي]

ردا على بنت ابوها

من قالك ان الي متواجدين هنا كلهم من ربعك او قولتك رشايدة

ابن عطا
السبيعية
اخت السبيعية
لاست بربث
وغيرهم كثير ليسو رشايدة

والحمية ما خذتني انا ووقفت مع ناصر على باطل .. لا يعني اذا شفتي ولد عمك على خطأ وقفتي معاه

ويكون بعلمك ترى العشاء الي سوينا امس لا يوجد الا اثنين من قبيلة الرشايدة والباقي من تميم وشمر والدواسر وغيرهم من عوائل نجد وصاحبي الكردي هو من قام بطبخ العشاء في مطعمه الاول على مستوى بريطانيا


وبالعكس كانت الفرحة للجميع بعد ما شاهدو البرنامج في محلي بشمال اسكوتلندا والارض بيضاء من الثلج وكأننا فوق نفود

وناصر يستاهل اكثر واني فخور بفعله ويعتبر وسوف يعتبر بطل من ابطال الكويت والله لو عندي بنت ازوج ابو علي

ما اقول الا .. يا زين هالجلسة مع الناس الطيبين الي ما قصرو

لكي مني خالص الشكر يا بنية ابوها

دمت بود

[العكسي]

[شداد المظيبري]

ناصر الدويله
بطل وشجاع ونسأل الله ان ينصره على من يعاديه ويكذبه

شكرا لك ع الخبر

[سلماوي]

الى الاخ قلب اسكتلندي ..

مايصير ياخوك تاخذك الحمية على ولد عمك وتطلع العازمي غلطان والمسؤول عن اللبس اللي سببه كتاب ناصر الدويله !

أولا .. العقيد الركن المتقاعد حامد السنافي العازمي معروف بموقفه البطولي اثناء الغزو وحرب التحرير , واحد شهوده هو ناصر الدويلة شخصيا عندما حلف واقسم بان كلام العازمي صحيح وشهده بنفسه ! , وذكر ايضا اسماء ربعه الذين لازالوا في الخدمة كما شهد له الفيلكاوي وغيره اثناء الحلقة ..

بالنسبة للحلف على المصحف فهذا شأنه مع ربه , واذكرك كما قالت الاخت بنت ابوها بأن ياسر الحبيب حالف قبله..
المتمعن بكلام العازمي ورده المفحم على الحقان لما قال له انك كنت ضيف على الكتيبه وطالع معانا بسيارة مدنيه لحالك ولم ينج من كتيبتك احد بل تركتهم وهربت , كان كالصفعه الموجعة على خد الحقان .. شوف تعابير وجه الحقان وقتها وراح تعرف الاجابة ..

شهود العازمي كثر , فمن شهود الحقان ياترى !

وليش حلف الحقان اساسا قبل ان يستحلف ! ( كاد المريب ان يقول خذوني ) ..

اما ناصر الدويلة فنعم الرجل , والرشايدة حبايبنا ومايبيلها كلام ..

أخوك سلماوي العازمي ( لم تأتي مشاركتي بدافع الحمية .. انما ليحصص الحق ) ..

[هيون]

اقتباس من مشاركة قلب اسكتلندي اخي ابن عطا اولا انا متابع الحلقة وعارف ما يدور بها من اول لقاء مع ناصر الى الاخير اذا على الوفرة فهي مسقط رأسي هذا من جهة ومن جهة اخرى والله الذي رفع السما بلا عمد أني لم اقصد استحقار بالعازمي وهو رجل معروف وله مواقفه المشرفة لكن الحقان يظهر عليه سيمات الصالحين لا يعني ان العازمي وناصر ليس صالحين وانما يحلف بالمصحف ويجب ان نحترمه ولا تنسى أن الله رقيب ويعلم ما تخفي الصدور فان كانت هي الحمية الي لحقتك بابن عمك والله ونعم فيه وفي العوازم وفعولكم معروفه واذا قلت ان ناصر لازم يراجع نفسه في بعض النقاط الذي ذكرها في كتابه لا يعني اني اريد تهميش العازمي على الاقل يشوف وين الاختلاف بين الحقان والعازمي ويحاول يوفق بين وجهات النظر يوم القيامة لا ينفع لا مال ولا بنون ولا كتاب ناصر مع احترامي الشديد لناصر والعازمي خاصة وللحضور عامة فكل ما اريده ان الواحد يتقي الله في اي شي يكتبه او يقوله من وجهة نظري : لا اعتقد ان الحقان يحلف وهو يكذب وانا لا اكذب العازمي اما استشهاده بالجيتي ليس له محل من الاعراب واخيرا اشكرك يا ابن عطا على التعقيب وخل صدرك شمالي واهديك هذه الابيات كما قال الشاعر: وانا من احفاد الرجال المشاكل بني عطا أهل الصفات الكريمه إليا حدرنا وادي(ن) ضاربه سيل وإليا تسندنا جبال(ن) مريمه والمرجله لوهي ورا الجدي وسهيل نسعالها سعي الغريم لغريمه

اقول للحقان مع احترامي لك
ابو علي ما جاب غير الزحازيح *** اللي تنومس لا قدا الجو شوباش
ولا الردي مثلك اليا قام بيطيح *** ماله من علوم الشجاعه ولو شاش