[بنت أبوهــا]

مساؤكم/ صباحكـــم خير ومسرات

إليكـــم هذه الرائعـــة أرجــو أن تروق لكـــم

،
،

يوم الركايب عقبن خشم أبانات=ذكرت ملهوف الحشا من عنايه
ليته رديف لي على الهجن هيهات=إما معي ولا رديف اخويا يه
أخذت لي في ماضي العمر سجات=يوم الهوى قايم وأنا اتبع هوايه
يوم إن لي مع تلع الأرقاب صرفات =أبيع واشري بينهن بالسعايه
واليوم شبت وتبت عن كل مافات =وطويت عن كل الموارد رشايه
إلا إلى مرت خطات الخوندات =اللي جدايلها تعدى الحضايه
وإتجازي الهراج بغضاي وسكات=ولا هيب تبدي له سريره وغايه
تصد عما قال من غير مجفاة =وتعرض بخد ن كن فيه المرايه
ماهيب بدعه يلحق الرجل شرهات =ناس ٍ عدوا قدمي وناس ٍ ورايه
لولاي أوسع خاطري بالتنهات= وأبصر بحالي من خلاي بخلايه
لأغدي كما المذهب وارمّي بالأصوات= خبل على ماقال راع الروايه
بأهل الهوى من شارب الخمر شارات = وبهم من اللي يطرد الصيد شايه
شارات راع الخمر فاقه وسكرات= والصيد ولعه ماعلى الله كمايه
ولو اتمنى لي من المال غلات=وانفد الغله واحصل منايه
مير المقل ضعيف مافيه نوهات =وراع التمني مثل زراع طايه

،

،

لـــعبدالله بن سبيــــل
~ رحمـــه الله ~

الموضوع الأصلي: اليوم شبت وتبت عن كل مافات !! | | الكاتب: بنت أبوهــا | | المصدر: شبكة بني عبس

[ميلاس]

‏ صـح لسآن قـآيلـها
وتسلميـن ع النقــل ..

[مرآهيش]

رحم الله بن سبيل

نص رآئع ينم عن ذآئقة شعرية متميزة

بنت أبوهآ

لآعدمنآكـ

[بنت أبوهــا]

ميلاس

مراهيش

حياكم الله نورتوا الصفحة

[نوماس5]

هالله هالله
،
،
صح لسأأأأأأأأأأأأأأأأنك
يسلموووووووووو
علي النقل المميز

[رسام الغروب]

صح السانك

قصيدة رائعه

[أحمد بن سلهود]

رحم الله الباهلي
وشكرا لك اختي على النقل

[بنت أبوهــا]

نوماس 5
رسام الغروب
أحمد بن سلهود

حياكم الله